ཕྱི་ལོ་ ༢༠༢༠ ཟླ་ ༡༠ ཚེས་ ༡༧ ཉིན་སྨན་རྩིས་ཁང་དབུ་བརྙེས་པའི་དུས་དྲན་མཛད་སྒོའི་སྟེང་། ད་ལོ་སྨན་རྩིས་ཁང་གི་སྒྲིག་འཛུགས་འདི་ཉིད་ཀྱི་ལས་གནས་འདྲ་མིན་ཐོག་ལས་ཁུར་སྣ་མང་གི་ཞབས་འདེགས་ཞུས་ཏེ་གཟི་བརྗིད་དང་ལྡན་པའི་ཞབས་ལོ་ ༣༠ སོན་པ་དགུ་དང་། ཞབས་ལོ་ ༢༠ སོན་པ་བཅུ་དྲུག་བྱུང་ཡོད།

ཕྱི་ལོ་ ༢༠༡༩ ཟླ་བ་ ༡༢ ཚེས་ ༣༡ ཉིན་རྒྱ་ནག་ཝུའུ་ཧན་གྲོང་ཁྱེར་དུ་ངོས་མ་ཟིན་པའི་གློ་ཚད་རིམས་ནད་ཕོག་པའི་ནད་པ་ཞིག་ཐོག་མར་ཐོ་འགོད་ར་སྤྲོད་བྱུང་བའི་རྗེས། ཕྱི་ལོ་ ༢༠༢༠ ཟླ་བ་ ༡ ཚེས་ ༨ ཉིན་དངོས་སུ་ཏོག་དབྱིབས་ཅན་གྱི་ནད་དུག་ལས་བསྐྱེད་པའི་གློ་ཚད་གསར་པ་ཞིག་ཏུ་ངོས་འཛིན་བྱས།