བོད་ཀྱི་སྨན་རྩིས་མཐོ་སློབ་ཁང་དུ་སྨན་སློབ་སྐབས་ ༢༣ དང་རྩིས་སློབ་སྐབས་ ༡༣ ཆེད་དུ་སློབ་ཕྲུག་གསར་བསྡུའི་ཡིག་རྒྱུགས་རིམ་པ་དང་པོའི་གྲུབ་འབྲས་སུ། གཏན་སློབ་བུའི་ས་མིག་ཏུ་སློབ་ཕྲུག་ ༡༨ དང་། གཏན་སློབ་བུ་མོའི་ས་མིག་ཏུ་ ༡༨། སྨན་རྩིས་ལས་བྱེད་བུ་ཕྲུག་ས་མིག་ཏུ་ ༢། ཧི་མ་ལ་ཡའི་ས་མིག་ཏུ་ ༤། གྲྭ་པའི་ས་མིག་ཏུ་ ༡། སོག་པོའི་ས་མིག་ཏུ་ ༡། བཅས་ཚུད་ཡོད།

སྤྱི་ལོ་ ༢༠༡༩ ནི་༸རྒྱལ་དབང་༸སྐུ་ཕྲེང་བཅུ་གསུམ་པ་ཆེན་པོས་བོད་ཀྱི་རྒྱལ་ས་ལྷ་སར་སྨན་རྩིས་ཁང་ཕྱག་བཏབ་ནས་མི་ལོ་ ༡༠༣ འཁོར་བ་དང་། བཞུགས་སྒར་ངྷ་རམ་ས་ལར་༸རྒྱལ་དབང་༸སྐུ་ཕྲེང་བཅུ་བཞི་པ་ཆེན་པོས་སྨན་རྩིས་ཁང་བསྐྱར་འཛུགས་མཛད་ནས་མི་ལོ་ ༥༨ འཁོར་བའི་རྗེས་དྲན་མཛད་སྒོའི་སྟེང་ཆིབས་བསྒྱུར་བསྐྱངས་པའི་མགྲོན་གྱི་གཙོ་བོ་བོད་མིའི་སྒྲིག་འཛུགས་ཀྱི་དཔལ་ལྡན་འཕྲོད་བསྟེན་བཀའ་བློན་མཆོག

ཕྱི་ལོ་ ༢༠༡༩ ཟླ་ ༣ ཚེས་ ༢༩ ཉིན་བཞུགས་སྒར་སྨན་རྩིས་ཁང་གི་མཐོ་སློབ་ཚོགས་ཁང་དུ་རྒྱལ་མཆོག་ྋསྐུ་ཕྲེང་བཅུ་གསུམ་པ་ཆེན་པོས་ ༡༩༡༦ ལོར་བོད་ཀྱི་རྒྱལ་སར་ལྷ་ལྡན་སྨན་རྩིས་ཁང་ཕྱག་བཏབ་ནས་ལོ་ངོ་ ༡༠༣ དང་། དེ་བཞིན་ྋགོང་ས་སྐྱབས་མགོན་ྋསྐུ་ཕྲེང་བཅུ་བཞི་པ་ཆེན་པོ་མཆོག་གིས་དྷ་སར་བོད་ཀྱི་སྨན་རྩིས་ཁང་བསྐྱར་འཛུགས་མཛད་དེ་ལོ་ངོ་ ༥༨ འཁོར་བའི་དུས་དྲན་མཛད་སྒོ་སྲུང་བརྩི་ཞུས་གནང་ཡོད།

༢༠༡༩ ཟླ་ ༣ ཚེས་ ༢༩ ཉིན་ལྷ་ས་དང་བཞུགས་སྒར་སྨན་རྩིས་ཁང་དབུ་བརྙེས་པའི་དུས་དྲན་མཛད་སྒོའི་སྐབས་འདི་ལོ་སྨན་རྩིས་ཁང་གི་ལས་བྱེད་ཞབས་ལོ་ ༢༠ དང་ ༣༠ སོན་པ་ཁག་གཅིག་ལ་སྐུ་མགྲོན་གཙོ་བོའི་ཕྱག་ནས་སྨན་རྩིས་ཁང་གིས་སྔར་རྒྱུན་ལྟར་ཆེ་བསྟོད་དང་ཕྱག་འཁྱེར་བསྩལ་གནང་ཡོད། སྐབས་དེ་དུས་ངོ་སྤྲོད་སྙིང་བསྡུས་སྒྲོགས་སྦྱང་བྱས་པ་རྣམས་འདིར་རང་འཇགས་བཀོད་ཡོད།