བོད་ཀྱི་གསོ་བ་རིག་པའམ་གསོ་དཔྱད་འདི་ནི་ཕྱི་ནང་གི་ལོ་རྒྱུས་སྨྲ་བ་རྣམས་ཀྱིས་གང་ནས་དར་བ་དང༌། ཇི་ལྟར་དར་བ་སོགས་ཀྱི་བཤད་སྒྲོས་ཇི་སྙེད་ཅིག་སྔར་ནས་མཆིས་ཤིང༌། དེ་དང་དེའི་སྐབས་སུ་ཐོབ་ཤོར་དང་རྒྱལ་ཕམ་སོགས་ཀྱི་ཚོར་སྣང་ཟུག་གཟེར་ཅི་ཡང་མེད་པར་ལྟར་སྣང་ཡང༌། དེང་སྐབས་འཛམ་གླིང་ཧྲིལ་པོའི་སྲིད་དོན་གྱི་འགྱུར་འགྲོས་དང༌།

སྙིགས་དུས་ལྔ་བརྒྱའི་འགྲོ་བ་གྲོལ་བའི་སླད། །ཡངས་པ་ཅན་དུ་བདེ་གཤེགས་གདན་འཛོམས་མཛད། །སྨན་བླ་བདེ་གཤེགས་ལྷ་ཚོགས་མཆེད་བརྒྱད་ལ། །གསོལ་བ་འདེབས་སོ་གཞན་ཕན་སྣང་བ་སྩོལ། །(ྋརྒྱལ་བའི་བཀའ་འགྱུར་རིན་པོ་ཆེའི་ནང་བསྟན་པའི་སྨན་མདོ་བརྒྱད་བརྒྱ་བ་གཞིར་བཞག་ཐོག་ཁོ་བོས་གསར་བསྒྲིགས་བྱས།) 

གསོ་རིག་འབུམ་བཞིའི་ལོ་རྒྱུས་ལས་ཞང་བོད་ཀྱི་གསོ་རིག་ཇི་ལྟར་གྲུབ་པའི་སྐོར་དང་། གསོ་རིག་འབུམ་བཞི་གསུང་པ་པོ་སྟོན་པའི་རྣམ་ཐར། གསོ་རིག་འབུམ་བཞི་འཛམ་གླིང་དུ་དར་ཚུལ་དང་དེའི་བརྒྱུད་རིམ། གསོ་རིག་འབུམ་བཞིའི་དགོངས་དོན་རགས་བསྡུས། ཞང་བོད་ཀྱི་གསོ་རིག་ལ་རང་གཞན་མཁས་དབང་གིས་འཛིན་པའི་བཀའ་ལུང་ཚད་མ་སོགས་ལྔ་རུ་ཕྱེ་ནས་དཔྱད་གླེང་བྱ།