རྒྱལ་ཀུན་ཐུགས་ཀྱི་ཐིལ་ལེའི་ལང་ཚོ་ནི།། བདེ་ཆེན་སྙིང་རྗེའི་དཔྱིད་དང་རོ་གཅིག་པས།། ཁ་སྦྱོར་ཡན་ལག་བདུན་གྱི་མཚན་དཔེ་ཅན།། གསང་བ་འཛིན་པའི་བདག་ཉིད་སྙིང་དབུས་རོལ།། ཆེས་ཆེར་སྙིགས་མར་གྱུར་པའི་དུས་འདི་རུ།། མི་བཟད་འབྱུང་པོའི་ཁ་རླངས་གཡོས་པ་ཡིས།། ལུས་ཅན་སྒོ་གསུམ་ལ་འཁྱུད་སྡུག་བསྔལ་ཁུར།། དབུགས་འབྱིན་འབབ་སྟེགས་གསར་བ་དེང་འདིར་སྦྱིན།། དེ་ལ་རྒྱུ་རྐྱེན་དབྱེ་བ་རྟགས་བཅོས་བཞི།།

མཚན་སྙན་ཟླ་ཤེལ་གསར་པ་བཞུ་བའི་རྒྱུན།། ཐོས་འཛིན་ཀུནྡའི་འཇོ་སྒེག་གིས་བཏུད་པས།། དུག་གསུམ་གདུང་བ་རིང་བཅིལ་ཕན་དང་བདེའི།། ལང་ཚོ་གསར་དུ་བཞད་དེས་ཤེས་པ་སྐྱོངས།། སྲོག་རླུང་ནད་ལ་རྒྱུ་རྐྱེན་བརྟགས་ཚུལ་དང་།། བཅོས་ཐབས་རྗེས་གཅོད་རྣམ་པ་ལྔ་ཡིས་བསྟན།།

སྨན་ལྗོངས་འབྲུག་གི་རྒྱལ་ཁབ་འདིར་རང་བཞིན་ལྷུན་གྱིས་གྲུབ་པའི་ངོ་མཚར་ཅན་གྱི་ཚ་ཆུ་གྲངས་ཀྱིས་མ་ཆོད་པར་ཡོད་པའི་ནང་གསེས་ཡོངས་གྲགས་ཅན་འབྲུག་བྱང་ཕྱོགས་མགར་ས་(བཀྲིས་མཐོང་སྨོན་རྫོང་དང་)སྤུང་ཐང་བདེ་བ་ཆེན་པའི་ཕོ་བྲང་རྫོང་ཁག་གཉིས་ཀྱི་ས་གནས་སུ་ཡོད།