སྨོན་ལམ།

བྱང་ཆུབ་སེམས་མཆོག་རིན་པོ་ཆེ།། མ་སྐྱེས་པ་རྣམས་སྐྱེ་གྱུར་ཅིག། སྐྱེས་པ་ཉམས་པ་མེད་པར་ཡང་།། གོང་ནས་གོང་དུ་འཕེལ་བར་ཤོག། སྟོང་ཉིད་ལྟ་བ་རིན་པོ་ཆེ།། མ་སྐྱེས་པ་རྣམས་སྐྱེ་གྱུར་ཅིག། སྐྱེས་པ་ཉམས་པ་མེད་པར་ཡང་།། གོང་ནས་གོང་དུ་འཕེལ་བར་ཤོག། འཇམ་དཔལ་དཔའ་བོས་ཇི་ལྟར་མཁྱེན་པ་དང་།། ཀུན་ཏུ་བཟང་པོ་དེ་ཡང་དེ་བཞིན་ཏེ།། དེ་དག་ཀུན་གྱི་རྗེས་སུ་བདག་སློབ་ཕྱིར།། དགེ་བ་འདི་དག་ཐམས་ཅད་རབ་ཏུ་བསྔོ།། དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས།། བསྔོ་བ་གང་ལ་མཆོག་ཏུ་བསྔགས་པ་དེས།། བདག་གི་དགེ་བའི་རྩ་བ་འདི་ཀུན་ཀྱང་།། བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི།། སྨོན་ལམ་ལོག་པས་རྒྱལ་བའི་བསྟན་པ་ལ།། འཁུ་བའི་ནག་ཕྱོགས་གཟུགས་ཅན་གཟུགས་མེད་སྡེ། བསམ་སྦྱོར་ངན་པའི་འཇུག་པ་མ་ལུས་པ།། མཆོག་གསུམ་བདེན་པས་རྩད་ནས་གཅོད་གྱུར་ཅིག།

མཐའ་མའི་འདོན་ཐེངས་།: 04.07.2024 ཉིན། 2:34 PM