<< བོད་གཞུང་སྨན་རྩིས་ཁང་གི་བྱུང་རབས། སྨད་ཆ། >>
དིལླིའི་ཕྱིར་ཚོང་དང་འབྲེལ་མཐུད་སྡེ་ཚན།
དིལླིར་ཡོད་པའི་སྨན་རྩིས་ཁང་གི་ཕྱིར་ཚོང་སྡེ་ཚན་ནི། ཕྱི་ལོ་ ༡༩༩༤ ལོར་གསར་འཛུགས་བྱས་ཤིང་། ད་ལྟའི་བར་འགན་འཛིན་བཞི་ཙམ་འཕོ་འགྱུར་བྱུང་ཡོད། སྡེ་ཚན་འདིས་སྨན་རིགས་མ་ཡིན་པའི་སྨན་རྩིས་ཁང་གི་གསོ་རིག་ཐོན་དངོས་དང༌། ལུས་ཕན་གསོ་རིག་ཉེར་མཁོའི་རིགས། ལོ་ཐོ་རྒྱས་འབྲིང་བསྡུས་གསུམ་དང༌། དཔེ་དེབ་སོགས་རྒྱ་གར་ནང་དང་ཕྱི་ཕྱོགས་སུ་ཚོང་འགྲེམས་བྱེད་བཞིན་པ་མ་ཟད། དབུས་སྡེ་ཚན་ཁག་གིས་ཅ་དངོས་ཉོ་སྒྲུབ་སོགས་ཀྱིས་མཚོན་པའི་དིལླིར་ལས་དོན་གང་མངགས་རྣམས་དུས་ཐོག་ཏུ་སྒྲུབ་བཞིན་ཡོད། དེ་བཞིན་དེ་གའི་འབྲེལ་མཐུད་ཚན་པས་སྨན་རྩིས་ཁང་གི་ལས་དོན་ཆེད་ཕྱི་རྒྱལ་གཞུང་ཚབ་ཁག་ལ་འབྲེལ་གཏུགས་དང་། རྒྱ་གར་དང་ཕྱི་རྒྱལ་ཡུལ་གྲུ་ཁག་ཏུ་ཕྱོགས་ཕེབས་གནང་དགོས་རིགས་ཀྱི་ཕྱི་སྐྱོད་ལག་འཁྱེར་དང༌། ཐོངས་མཆན། གནམ་གྲུའི་འཛིན་ཤོག་མངགས་ཉོ་སོགས་འབྲེལ་མཐུད་ཀྱི་ལས་དོན་འགན་འཁུར་ཞུ་བཞིན་ཡོད།
པ་ནི་པཏ་སྤོས་བཟོ་སྡེ་ཚན།
སྡེ་ཚན་འདི་ནི་ཕྱི་ལོ་ ༢༠༠༤ ཙམ་ནས་མགོ་འཛུགས་བྱས་ཡོད་ཅིང་། ད་ལྟའི་བར་འགན་འཛིན་སྐབས་གཉིས་འཕོ་འགྱུར་བྱུང་། སྡེ་ཚན་འདིས་གསོ་བ་རིག་པའི་གཞུང་ནས་ཇི་སྐད་གསུང་བ་བཞིན་སྦྱོར་ཚད་ཡོངས་སུ་ཚང་བའི་རླུང་སྤོས་དང་གཟིམ་སྤོས། སྨན་བསངས་བཅས་སྦྱོར་བཟོ་བྱེད་བཞིན་ཡོད།
མཐའ་མའི་འདོན་ཐེངས་།: 16.04.2016 ཉིན། 11:59 AM
<< སྔ་མ།