སྨན་བཅོས་ལོ་རྒྱུས་འགེང་ཤོག་ལེགས་གྲུབ།

བོད་ཀྱི་སྨན་རྩིས་ཁང་གི་སྤྱི་ཁྱབ་འགན་འཛིན་སྐོུ་ཐུབ་བསྟན་ཚེ་རིང་མཆོག་དང་། རིག་གཞུང་འགན་འཛིན་ྋསྐུ་བཅར་སྨན་རམས་པ་ཚེ་དབང་རྟ་མགྲིན་མཆོག་གཉིས་ཀྱིས་མཐུན་འགྱུར་ལམ་སྟོན་འོག སྤྱི་ལོ་ ༢༠༢༢ ཟླ་ ༧ ཚེས་ ༧ དང་ ༨ རེས་གཟའ་ཕུར་བུ་དང་པ་སངས་ཉིན་གཉིས་རིང་དྷ་ས་བོད་ཀྱི་སྨན་རྩིས་ཁང་གི་མཐོ་སློབ་ཚོགས་ཁང་དུ། བཞུགས་སྒར་དབུས་དང་ཕྱོགས་མཐའ་ནས་ཕེབས་པའི་སྨན་པ་བགྲེས་གཞོན་བར་མ་གྲངས་ ༡༦ ལྷན་འཛོམས་བྱུང་ཐོག བོད་ཀྱི་གསོ་བ་རིག་པའི་སྨན་བཅོས་ལོ་རྒྱུས་འགེངས་ཤོག་ (Hospital / Clinical Management Software in Sowa-Rigpa) རགས་ཟིན་ཞིག་གཏན་འབེབས་བྱས་ཡོད། དེ་བཞིན་ད་ཡོད་འཕྲོད་བསྟེན་ལྷན་ཁང་གི་ཕྱི་ལུགས་ནད་ཀྱི་སྡེ་ཚན་གྱི་ཐོ་གཞུང་ནང་གསལ་ནད་གཞི་ཁག་ལ་བོད་ལུགས་གསོ་རིག་དང་ཕྱི་ལུགས་ཕན་ཚུན་དཔྱད་བསྡུར་གནང་ནས་ཐ་སྙད་ཉེ་ཤོས་མཐུན་ཐབས་གནང་ཐུབ་ཡོད། གང་ལྟར་ཉིན་གཉིས་ཀྱི་ཚོགས་འདུའི་དམིགས་ཡུལ་གཞིར་བཟུང་ལེགས་པར་མཇུག་བསྡོམས་གནང་ཡོད་པས་སྨན་རྩིས་ཁང་ནས་འབྲེལ་ཡོད་སྨན་པ་རྣམས་ལ་ལེགས་སོའི་བསྔགས་བརྗོད་ཞུ།  

མཐའ་མའི་འདོན་ཐེངས་།: 20.07.2022 ཉིན། 3:02 PM