སྨན་པ་གཙོ་བོ་མཆོག་ལ་ཆེ་བསྟོད་གནང་།

སྨན་རྩིས་ཁང་གི་སྨན་པ་གཙོ་བོ་ྋརྒྱལ་བའི་བླ་ཞབས་པ་སྨན་རམས་པ་ཚེ་དབང་རྟ་མགྲིན་མཆོག་ལ་འདི་ལོའི་ཕྱི་ཟླ་ ༦ ཚེས་ ༡༧ ཉིན་AISDMDB (All India Shaheed Maj Durga Mall Capt Dal Bahadur Thapa / རྒྱལ་ནང་དཔའ་བོ་དམག་དཔོན་དུརྒྰ་མྰལ་དང་འགོ་བྱེད་དལ་བཧྰདུར་ཐྰཔྰ་གཉིས་ཀྱི་དྲན་རྟེན་གསེར་གྱི་གཟེངས་རྟགས་རྐང་རྩེད་པོ་ལོའི་འགྲན་བསྡུར།)གོ་སྒྲིག་ཚོགས་ཆུང་གིས་མང་ཚོགས་ཀྱི་འཕྲོད་བསྟེན་གཅེས་སྲུང་ཐད་ཞབས་འདེགས་བླ་ན་མེད་པ་ཞུས་དང་ཞུ་བཞིན་པར་ཆེ་བསྟོད་བྱ་དགའ་སྩལ་གནང་ཡོད།

དེ་ཡང་གོ་སྒྲིག་ཚོགས་ཆུང་ངོས་ནས་སྨན་རམས་པ་མཆོག་ལ་ཁྱད་དུ་འཕགས་པའི་ལས་དོན་(Outstanding Performance)གྲུབ་པར་ངོས་འཛིན་གྱིས་ཆེ་བསྟོད་འདི་བཞིན་བཞུགས་སྒར་དྷ་སའི་ཉེན་རྟོག་པའི་ཐང་ཆེན་དུ་རྐང་རྩེད་པོ་ལོའི་འགྲན་བསྡུར་གྱི་ཉིན་མཐའ་མའི་མཇུག་སྡོམ་མཛད་སྒོའི་སྐབས་འབུལ་གནང་སོང་བ་དང་། སྟབས་བསྟུན་སྨན་རྩིས་ཁང་གི་འགན་འཛིན་བཀྲ་ཤིས་ཚེ་རིང་མཆོག་དམིགས་བསལ་སྐུ་མགྲོན་དུ་གདན་འདྲེན་ཞུས་ཡོད། ཆེ་བསྟོད་ཀྱི་བྱ་དགའ་དེ་ཡང་ཀང་ར་རྫོང་གི་ཁྲིམས་དཔོན་གྱི་དྲུང་འཕར་ཤྲྰི་མསྟ་རྰམ་བྷརདྭྰཇ་མཆོག་གིས་གསོལ་སྩལ་གནང་ཡོད། གོར་ཁའི་སྤྱི་ཚོགས་ནས་ཐོན་པའི་དཔའ་བོ་རྣམ་གཉིས་ཀྱི་དྲན་རྟེན་ཆེད་དུ་རྐང་རྩེད་པོ་ལོའི་འགྲན་བསྡུར་དེ་བཞིན་ལོ་ལྟར་གོ་སྒྲིག་ཞུ་བཞིན་ཡོད་འདུག།

མཐའ་མའི་འདོན་ཐེངས་།: 02.07.2019 ཉིན། 4:24 PM