༄༅།། སྨན་ཆོག་གི་བཟླས་དམིགས།

བདག་མདུན་ལྷ་རྣམས་ཀྱི་ཐུགས་ཀར་པད་ཟླའི་སྟེང་དུ་ཧཱུྃ་གི་མཐར་སྙིང་པོ་དང་གཟུངས་ཀྱིས་བསྐོར་བ་ལས་འོད་ཟེར་དཔག་ཏུ་མེད་པ་འཕྲོས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་མཆོད་ཅིང་སངས་རྒྱས་སྨན་བླའི་རྣམ་པར་ཐོབ་ཐོབ་བྱོན་ནས་རང་ལ་ཐིམ། ཡང་འོད་ཟེར་སྣ་ཚོགས་ཕྱོགས་བཅུའི་འཇིག་རྟེན་ཁྱབ་པར་འཕྲོས་པས་མཁའ་ཁྱབ་སེམས་ཅན་ཐམས་ཅད་ལ་ཕོག་པས་གནས་སྐབས་ཀྱི་ནད་གདོན་ཐམས་ཅད་དང་། མཐར་ཐུག་སངས་རྒྱས་ཐོབ་པའི་གེགས་སུ་གྱུར་པའི་ཉོན་མོངས་དུག་གསུམ་དུག་ལྔ་ལ་སོགས་པ་ལས་ཉོན་ཐམས་ཅད་བ་མོ་ལ་ཉི་ཟེར་ཕོག་པའམ་མུན་པ་ལ་ཉི་མ་ཤར་བ་བཞིན་སང་སང་དག་ནས་ཐམས་ཅད་སངས་རྒྱས་སྨན་བླའི་སྐུར་གྱུར་ནས་སྔགས་སྒྲ་གྲགས་སྟོང་སྐྱེ་མེད་དུ་སྒྲོག་པར་བསྒོམ་ཞིང་སྙིང་པོ་དང་གཟུངས་རིང་ཅི་ནུས་བཟླའོ།།རང་འདོད་སྤྱིན་ཆུ་ལྟ་བུའི་གདམས་པ་འདིས།། མོས་ལྡན་སློབ་མའི་རྒྱུད་ལ་སྐུ་གསུམ་གྱི།། བྱིན་རླབས་དངོས་གྲུབ་སྦྱོར་ཞིང་སྨིན་གྱུར་ནས།། ཚེ་འདིར་བླ་མེད་གོ་འཕང་མྱུར་ཐོབ་ཤོག། དྲུང་སངས་རྒྱས་རིན་པོ་ཆེས་སྦྱར་བའོ།།

མཐའ་མའི་འདོན་ཐེངས་།: 04.07.2024 ཉིན། 2:29 PM