སྡེ་ཚན་བཅུ་གཉིས་པ།  མེའི་སྨན་སྡེ་བཤད་པ།

བཅུ་གཉིས་མེ་སྨན་སྡེ་ཚན་བསྟན་པ་ལ།  །དངོས་དང་བྱས་པའི་སྨན་ནུས་གཉིས་ཡིན་ཏེ།།

དང་པོ་ཏེལ་གྱི་མེ་ལ་བཅུ་གཅིག་སྟེ། །གསེར་གྱི་ཏེལ་མེས་ཉེས་སྐྱོན་མི་འབྱུང་ཞིང༌། །རྩ་ལ་སོགས་པ་རྣམས་ཀྱང་མཐུད་པ་དང༌། །གདོན་དང་བགེགས་ཀྱི་གནོད་པ་ཞི་བར་བྱེད། །མིག་སོགས་དབང་པོ་སྲུང་བའི་དཔྱད་ལ་བསྔགས། །དངུལ་གྱི་ཏེལ་མེ་གསེར་དང་ཕྱོགས་མཚུངས་ཤིང༌། །རྣག་དང་ཆུ་སེར་རུལ་གཅོད་འབྲས་ལ་བསྔགས། །ཟངས་ཀྱི་ཏེལ་མེ་རྨ་འབྲས་སྲིན་ལ་བསྔགས། །ལྕགས་ཏེལ་ལྷེན་དང་སྐྲན་འཇོམས་རུས་འཛེར་འགོག། །སྐྲ་སོགས་སྤུ་སྐྱེས་སྟེང་དུ་མི་རུང་སྤངས། །པགས་བསྲེགས་ཏེལ་ནི་རས་བལ་བ་ལང་སོ། །མེ་ཤེལ་མདའ་སྨྱུག་ལ་སོགས་མེ་གདབ་པས། །སྨེ་བ་དང་ནི་མཛེར་པ་ཀླད་ནད་དང༌། །མགོ་བོའི་གཞོགས་ཕྱེད་ན་བ་རྣམས་ལ་ཕན། །དེ་བཞིན་རྡོ་ཏེལ་ཤིང་རྭ་སྣུམ་ཡང་རུང༌། །སྤྱི་འདུས་སྤྲ་མེས་གྲང་སྐྲན་ལྷེན་འབྲས་འདུལ།།

གཉིས་པ་མེས་བྱས་སྨན་གྱི་ནུས་པ་ནི། །རྒྱ་སྣག་ཕོ་ཚད་མེ་དབལ་གཉན་རིམས་འཇོམས། །ཕྲུ་དྲེག་མོ་ནད་མངལ་སྐྱོན་སྦྱོང་བར་བྱེད། །སླང་དྲེག་རྨ་ལ་ཕན་ཞིང་འཁྲུ་བ་གཅོད། །དུད་པས་དུག་དྲེག་ལྤགས་པགས་མངལ་ནད་སེལ།། །།

མཐའ་མའི་འདོན་ཐེངས་།: 20.04.2015 ཉིན། 9:39 AM