༈ དེ་ལྟར་ཟད་པ་མེ་སྟག་ལོའི། །དབོ་ཟླའི་སྟོང་ལ་ཉ་ཁྱིམ་མཐར། །གཟའ་རྣམས་ངེས་པ་དག་པ་ལས། །སླར་ཡང་རབ་བྱུང་ལོའི་ནག་ཟླའི། །ཚེས་གཅིག་ནས་བཟུང་བརྩི་བ་ན། །དྷྲཱུ་ཝ་སྟོངས་པའི་གནས་རྣམས་སུ། །རང་རང་རྟག་ལོངས་གནམ་སྟོང་བར། །བརྩེགས་ལ་རྐང་རྩིས་ཚུལ་བཞིན་དུ། །བྱས་པས་ནག་པ་ཟླ་བ་ཡི། །ཚེས་གཅིག་རི་ཐུར་གཟའ་གཅིག་དང། །ཆུ་ཚོད་བཅོ་ལྔ་ཉི་དག་ལ། །སྐར་མ་ནམ་མཁའ་ཆུ་ཚོད་ཚེས། །རེས་འགྲོགས་ཟླ་བ་སྐར་མ་ཐིག །ཆུ་ཚོད་མཚོ་དབང་སྦྱོར་བ་གཅིག །ཆུ་ཚོད་དགུ་ལ་སོགས་པ་དང། །བྱེད་པར་གཅིག་ཡིག་རྣམས་འཆར་ཞིང། །ནག་ཟླ་རྫོགས་ནས་ཟླ་བ་ཡིས། །ངེས་པ་སྐྱེ་བས་བྱ་སླར་ཟད། །དེ་ཕྱིར་རྒྱུད་ལས་ལོ་རབ་བྱུང། །ནག་ཟླ་དཀར་པོའི་ཚེས་གཅིག་དང། །རེས་གཟའ་ཉི་མ་སྦྱོར་བ་སེལ། །བྱེད་པ་བ་ཝྃ་སོགས་ཐམས་ཅད། །དང་པོ་ཁོ་ན་འཆར་བ་རུ། །གསུངས་པ་ཇི་བཞིན་འགྲིགས་པ་ཡིན། །རྩིས་ཀྱི་མན་ངག་ཉིན་བྱེད་སྣང་བ་ལས། །སླར་ཡང་ངེས་པ་སྐྱེ་ཚུལ་བཤད་པའི་སྐབས་ཏེ་བཅུ་དགུ་པའོ།། །།

མཐའ་མའི་འདོན་ཐེངས་།: 22.01.2025 ཉིན། 3:38 PM