༈ འདས་ལོའི་ཐོག་མའི་རྩིས་འཕྲོ་རྣམས། །བདེ་བླག་རྟོགས་ཕྱིར་ཡར་ལོག་བཤད། །ད་ལྟའི་ལོ་ནས་གྱེན་སློག་ལོ། །གང་འདོད་ཉིས་བསྒྱུར་གནས་གཉིས་བཀོད། །འོག་མ་མིག་བསྒྱུར་མདའ་རོ་ཡིས། །ཐོབ་པ་སྟེང་སྦྱིན་ལྷག་མ་དེས། །ད་ལྟའི་ཟླ་བཤོལ་འཕྲོ་ལ་སྦྱང། །མ་ལྡངས་མདའ་རོ་བསྣན་ལ་སྦྱང། །དེ་ཚེ་སྟེང་དུ་ཟླ་བ་གཅིག །སླར་ཡང་བསྣན་པས་ཚེས་ཟླ་དག །ཉིན་ཞག་དོན་དུ་ཟླ་དག་དེ། །མཁའ་མེས་བསྒྱུར་ལ་གནས་གསུམ་བཞག །རི་མཁའ་རི་དང་ཆུ་རོ་ཡིས། །བསྒྲིལ་བའི་ནོར་གྱིས་སྟེང་མར་སྦྱང། །བར་འོག་ལྷག་གི་ད་ལྟ་ཡི། །སྤྱི་ཞག་རྩིས་འཕྲོ་དག་ལ་སྦྱང། །མ་ལྡངས་ཆུ་རོ་བསྣན་ལ་སྦྱང་། །དེ་ཚེ་སྟེང་ནས་ཉིན་ཞག་གཅིག །སླར་ཡང་སྦྱངས་པས་སྤྱི་ཞག་དག །དེ་ལྟར་བསྒྲུབ་པའི་ཟླ་ཞག་ལ། །གཟའ་ཉི་ཆ་རིལ་སྒྲ་གཅན་དང། །ཞག་གསུམ་གཟའ་ལྔའི་ངེས་པ་རྣམས། །རྣམ་དག་འཕྲོ་བྲལ་བསྒྲུབས་པ་དེས། །ད་ལྟའི་རྩིས་འཕྲོ་སོ་སོར་སྦྱང། །མ་ལྡངས་འཁོར་ལོ་བསྣན་ལ་སྦྱང། །ལྷག་གིས་འདས་ལོའི་ཐོག་མ་ཡི། །རྩིས་འཕྲོའི་ངེས་པ་རྣམ་དག་འཆར། །རྩིེས་ཀྱི་མན་ངག་ཉིན་བྱེད་སྣང་བ་ལས། །དྷྲཱུ་ཝ་ཡར་ལོག་བཤད་པའི་སྐབས་ཏེ་ཉི་ཤུ་པའོ།། །།

མཐའ་མའི་འདོན་ཐེངས་།: 22.01.2025 ཉིན། 3:29 PM