སེམས་ཁམས་འཕྲོད་བསྟེན་ཟབ་སྦྱོང་ཐེངས་བདུན་པ།

བོད་ཀྱི་སྨན་རྩིས་ཁང་ལུས་སེམས་སྲོག་གི་སྡེ་ཚན་གྱིས་གོ་སྒྲིག་འོག་སེམས་ཁམས་འཕྲོད་བསྟེན་དང་འབྲེལ་བའི་ཟབ་སྦྱོང་ད་བར་ཐེངས་བདུན་ཚོགས་ཡོད་ཅིང་། ཕྱི་རྒྱལ་བ་ཚོར་ཆེད་དམིགས་ཟབ་སྦྱོང་ཐེངས་བཞི་གནང་ཡོད་པ་ལྟར། འདི་ལོར་སེམས་ཁམས་རྨང་གཞིའི་ཟབ་སྦྱོང་གཅིག་དང་། རྨང་གཞི་བར་མའི་ཟབ་སྦྱོང་གཉིས་ཕུལ་ཡོད་པ་བཞིན་ད་ལམ་རྨང་གཞི་བར་མའི་ཟབ་སྦྱོང་དེ་བཞིན་ཕྱི་ལོ ༢༠༡༦ ཟླ ༡༠ ཚེས ༡༨ ནས ༢༧ བར་ཉིན་གྲངས་བཅུའི་རིང་ཚོགས་ཡོད། འོན་ཀྱང་ད་ལམ་ཟབ་སྦྱོང་ནང་ཚོགས་ཞུགས་དེ་ཙམ་གནང་ཐུབ་མེད་ཀྱང་ཕྱི་ནང་གི་སེམས་ཁམས་སྨན་པ་དང་། གསོ་རིག་སྨན་པ། སྤྱི་ཚོགས་ཞབས་ཞུ་བཅས་མི་གྲངས་དྲུག་ལ་ནང་པའི་སེམས་ཁམས་སྤྱི་བཤད་དང་། རྩ་ཉོན་དྲུག་དང་ཉེ་ཉོན་ཉི་ཤུ། དགེ་བ་བཅུ་གཅིག ནང་པས་འཆི་བ་ལ་ལྟ་ཚུལ། སེམས་ངལ་ལ་གདོང་ལེན་བྱ་ཐབས་ཀྱི་ལག་ལེན། བོད་ཀྱི་གསོ་རིག་ལུགས་ཀྱི་སེམས་ནད་བཅོས་ཐབས་དང་། སྐར་རྩིས་རིག་པའི་སྒོ་ནས་སེམས་ནད་བཅོས་ཐབས་སྐོར་ལ་ཟབ་ཁྲིད་གནང་བར་ཀུན་གྱི་ཡིད་སེམས་ཚིམ་པ་བྱུང་ཡོད།།

མཐའ་མའི་འདོན་ཐེངས་།: 03.10.2019 ཉིན། 10:31 AM