ལེའུ་སོ་བརྒྱད་པ། ཁྲག་ཆོད་ཆེན་པོའི་གདམས་ངག

ཨོཾ་སྭསྟི་སིདྡྷཾ། ཨོཾ་ཨཱཿཧཱུྃ། བཅོམ་ལྡན་འདས་སྨན་གྱི་བླ་ལ་ཕྱག་འཚལ་ལོ། །ཁྲག་ཆོད་ཆེན་པོའི་གདམས་པ་ལ། ཚེའི་རྩ་བ་དང་ལོ་མར་བཅས་པ་བརྡུངས་ལ་ཤམ་པ་ལ་བཙོ། ཁུ་བ་ལོགས་སུ་བཞུར་ཞིང་ཁཎྜར་བསྡུ། དེ་ལ་ཚོས་སྤར་གང་དང་། ཞུ་མཁན་སྤར་གང་ཞིབ་པར་བཏགས་ལ་བླུགས། སྐ་ལྡོག་སོང་བ་དང་། ངད་མ་ཡལ་བ་དོམ་མཁྲིས་དང་། ཤིང་ཚ་ཞིབ་པར་བཏགས་ལ། དེ་ནས་རི་ལུ་བྱས་སྟེ། བུ་རམ་ལ་རྟ་བྱས་ལ་གཏང་། གཅིག་གིས་མ་ཆོད་ན་གཉིས་ནས་གསུམ་གྱི་བར་དུ་གཏང་ངོ་། །དེ་ནས་རྨ་གང་དུ་བྱུང་ཡང་ཁྲག་ཆོད་དོ། །སྣ་ཁྲག་མི་ཟད་པ་ཡང་ཆོད་དོ། །ངེས་པའོ། །གློ་བུར་དུ་སྦྱོང་ན་ཚེའི་ཁཎྜ་ཁྱོར་གང་གི་སྨན་བཏབ་ལ་ཁོང་དུ་གཏང་བས་ཆོད་ངེས་སོ། །ཡང་སྣ་ཁྲག་གཅོད་པའི་ལུགས་གཅིག་ལ། དོམ་མཁྲིས། ཤིང་ཚ། ཧོང་ལེན། ཆགས་མ། བཙོད། གུར་གུམ། དེ་རྣམ་བུ་རམ་ལ་རྟ་བྱས་ལ་ཁོང་དུ་གཏང་བས་རྨའི་ཁྲག་དང་། སྣའི་ཁྲག་དང་། མངལ་ཁྲག་མི་ཟད་པ་དང་། རྩ་ཆེན་པོ་ཆད་པའི་ཁྲག་ཐམས་ཅད་འཆད་པར་ངེས་སོ། །རྡོ་འདོན་ན་ཡང་ཞར་ལ་སྨན་ཟ་རུ་བཅུག་པས་ཟན་ལ་བཟོ་བྱེད་པ་ལྟ་བུ་འབྱུང་ངོ་།། །།

མཐའ་མའི་འདོན་ཐེངས་།: 18.07.2019 ཉིན། 2:48 PM