ལེའུ་སོ་བཞི་པ། ནད་འཁྲུ་བའི་གདམས་པ།

ཨོཾ་སྭསྟི་སིདྡྷཾ། ཨོཾ་ཨཱ་ཧཱུྃ། བཅོམ་ལྡན་འདས་སྨན་གྱི་བླ་མ་ལ་ཕྱག་འཚལ་ལོ། །རྒྱལ་པོ་ཆུ་སྐྱེས་འོ་འཛག་དང་། བློན་པོ་གསེར་གྱི་སྡོང་པོ་གཉིས། འབངས་ནི་རིན་ཆེན་ཆུས་སྦྱངས་ནས། །གཟེར་ཐུང་མ་ལུས་ཞི་བར་བྱེད། །ཅེས་པ་ཐར་ནུ་འོ་མར་བཏུལ་བའམ། མ་བཏུལ་ཡང་རུང་སྟེ། ཆུ་རྩ་རྐང་གཅིག་པ་དང་ཆ་བསྙམས་ལ་སྦྱར། རྩི་བཞིན་དུ་བཏགས་ནས་ཆུ་ལ་སྦྱར་ནས་གཏང་ན་གཟེར་གྱི་རིགས་ཐམས་ཅད་དང་། གཉན་རིགས་འགོས་སླ་བ་ཐམས་ཅད་འཇོམས་སོ། །དེའི་སྟེང་དུ་སྐྱོབ་སྦྱོར་བ་འདོད་ན། ཚ་བ་ཆེན་པོ་ཧོང་ལན་སུམ་ཆ། འཇམ་པོར་འདོད་ན་ཤ་ཆེན་བག་ཙམ་གཏང་ངོ་། །དོན་སྣོད་ཀྱི་ཁ་འཛིན་ནི། སྙིང་ལ་ནད་བབས་ན་ཛཱ་ཏི། གློ་བ་ལ་ཅུ་གང། མཆིན་པ་ལ་གི་ཝཾ་དང་བྲག་ཞུན། མཆེར་པ་ལ་ལི་ཤི། མཁལ་མ་སུག་སྨེལ། མཁྲིས་པ་ལ་གསེར་གྱི་མེ་ཏོག་དང་ཏིག་ཏ། དེ་རྣམས་ཁ་འཛིན་སོ་སོར་གཏང་ན་ནད་གང་ཡིན་པ་འཇོམས་སོ། །སྐྱུག་ཏུ་མི་གཞུག་གོ། དྲོད་ལ་བསྒོར། ཕོ་བ་ཅུང་ཟད་ན་ན་ཡོས་དུག་བྱ། དེས་ནད་ཐམས་ཅད་འཁྲུ་བར་འགྱུར་རོ། །ལན་གཅིག་འཁྲུས་ནས་ཆུ་བསྐོལ་མང་དུ་གཏང་ངོ་། །འདི་ཁྱར་པར་གྱི་གདམས་པ་འོ། །ཨི་ཐི།། །།

མཐའ་མའི་འདོན་ཐེངས་།: 18.07.2019 ཉིན། 2:29 PM