ལེའུ་སོ་བདུན་པ། ཕོ་ལོག་བཅོས་ཐབས།

ཕོ་ལོག་ལ། དྷ་དུ་རའི་འབྲས་བུ་དང་། སྒོག་སྐྱ་གླ་རྩི་རྣམས་ཞིབ་པར་བྱས་ལ། ཁྱེའུའི་དྲི་ཆུ་ལ་ཡུན་རིང་སྦྱངས་། རིལ་བུ་སྲན་མ་ཙམ་བྱས་ལ། ཕོ་ལྷོག་གློ་བུར་འབྱུང་ན་རི་ལུ་གཅིག་གཏང་། དེས་མ་ཕན་ན་ཡང་གཅིག་གཏང་། དེ་ཕན་ཆད་མི་དགོས་སོ། །མིག་བྲི་བའམ། ཤེས་པ་སྤུན་པ་བྱུང་ན་མར་བཞུ་བ་ཐུམ་བུ་ཕྱེད་ཙམ་གཏང་བས་བདེ་བར་འགྱུར་རོ། །བུ་ཚ་དང་ཤ་མ་མ་ཐོན་པ་ལ། ཁྱིའམ་སྤྱང་ཀིའི་བྲུན། བྱ་བལ་མ། མཛེ་ཚ་སྦྱར་ནས་ཤམ་པོ་ལ་བཏབ་ནས་གཏང་བས་བུ་ཚ་དང་ཤ་མ་ཐོན་པར་འགྱུར་རོ། །བོང་ང་རིལ་མ་ཕྱེད་ཙམ། བུ་རམ་སྲང་ཕྱེད་དང་སྦྱར་ལ་རི་ལུ་སྲན་མ་ཙམ་བྱས་ལ། ཞག་རེ་ལ་རེ་རེ་ཟོས་ན་གྲང་བ་དང་།  སྙིང་རླུང་ཞི་བར་འགྱུར་རོ། །ས་མཱ་པྟ་ཨི་ཐི།། །།

མཐའ་མའི་འདོན་ཐེངས་།: 18.07.2019 ཉིན། 2:45 PM