ལེའུ་སོ་དགུ་པ། བྱིས་རིམས་བསྲུང་བའི་གདམས་ངག

ཨེ་མ་ཧོ། བྱིས་རིམས་བསྲུང་བའི་གདམས་ངག་ལ། དྲོ་གང་སྐར་མ་མ་སངས་པ་ལ། རྒྱུག་ཆུ་མངལ་མ་སླེབས་པའི་ནང་ནས་ལག་པ་རྗེན་པ་མ་རེག་པར་རྡེའུ་ཆུ་དང་བཅས་པ་བླང་ལ། བུད་མེད་དང་ཕྲད་ན་ཕོ་ལ་ཡང་བླང་། བུད་མེད་མེད་པའི་ས་རུ་རྡེའུ་དེ་ལ་སྔགས་བརྒྱ་རེ་བཟླས་ལ། དེའི་དུས་སུ་ཡང་ལག་པས་མི་རེག་པར་དར་དམར་པོའི་ཁུང་དུ་གཏུམས་ལ་མགུལ་དུ་བཏགས་པས་ཐུབ་བོ། །སྔགས་ནི་འདི་ཡིན་ལ། ཨོཾ་ནིར་སེར་ཡེར་རྦད་སྭཱ་ཧཱ། བྱིས་རིམས་བསྲུང་བ་ཡིད་ཆེས་ཉམས་སུ་མྱོང་བའོ། །ཡང་བྱིས་རིམས་བསྲུང་བའི་ལུགས་གཅིག ཤོག་བུ་མཚོན་གང་ལ་སྔགས་འདི་དམར་ནག་གིས་གཟབ་ཏུ་བྲིས་ལ་བཞི་བཏབ་ཏུ་བྱ། རྒྱ་སྐྱེགས་དང་། བཙོད་དང་། ཞུ་མཁན་གསུམ་བག་ཙམ་རེ་ནང་དུ་བླུགས་ལ། སྐྱི་དམར་གྱིས་གཡོགས་ཏེ། དབུ་གྱེན་ལ་བསྟེན་ལ་གདགས་སོ། །སྔགས་འདི་ལན་བདུན་དང་། རྟེན་འབྲེལ་གྱི་སྔགས་བདུན་གྱིས་རབ་གནས་བྱའོ། །ཨོ་ཀུན་དྷ་ལི་བཾ་ལཾ་བྲུཾ་ཨལ་ཤལ་ཤལ་སྭཱ་ཧཱ། ལག་ལེན་དུ་མ་བྱས་པ་ཡིན་ནོ། །ཨི་ཐི།། །།

མཐའ་མའི་འདོན་ཐེངས་།: 18.07.2019 ཉིན། 3:01 PM