སྨན་རྩིས་དྲ་བ། - མན་ངག་རྒྱུད།

ལེའུ་རེ་དྲུག་པ། སུར་ཡའི་ནད་བཅོས་པ།
བརྗོད་བྱ་སྤེལ་མཁན། རྩོམ་སྒྲིག་པ། (admin) ཟླ་ཚེས། 23.02.2021
མན་ངག་རྒྱུད། >>

ལེའུ་རེ་དྲུག་པ། སུར་ཡའི་ནད་བཅོས་པ།

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །སུར་ཡའི་སྤྱིར་སྐྲན་རིགས་འགའ་ཞིག་དང་ཁོང་འབྲས་སུར་ཡ་རྣམས་ལ་ཁྱང་པར་ཆེར་མེད་ཀྱང་། སྐྲན་ནི་མ་ཞུ་བས་བསྐྱེད་པ་ཤས་ཆེ་ཞིང་ངོ་བོ་འདྲིལ་བ་དང་། ཁོང་འབྲས་ནི་ཟས་ལ་འཁྲེན་ཞིང་ཟུག་ཆུང་ལ་ངོ་བོ་བམ་ལ། སུར་ཡ་ནི་ཁྲག་ངན་དོན་སྣོད་ཀྱི་རྩ་དམིགས་ཏུ་འདུས་ནས་ངོ་བོ་སྐྲངས་པ་ཟུག་རྔུ་དང་བཅས་ཤིང་གཞུག་རྣག་ཏུ་སྨིན་པའོ། ནད་ལ་གྱུར་ཚུལ་དབྱེ་བ་དང༌། །རྟགས་དང་བཅོས་ཐབས་རྣམ་པ་བཞི་ཡིས་བསྟན།།

སྤྱི་དོན་དང་པོ་གྱུར་ཚུལ་ཟས་སྤྱོད་རྐྱེན་གྱིས་ཁྲག་འཕེལ་དང༌། །མཚོན་ཁྲག་ལུས་དང་འགྲམས་ཁྲག་གཏར་མ་འཆུན། །རིམས་དུག་ཚ་བ་རྩར་བབས་མ་གཏར་བས། །ཁྲག་ངན་ཆུ་སེར་དོན་སྣོད་རྩ་མིག་འདུས། །སྐྲངས་ཤིང་བརྣགས་ན་འབྲས་ལྟར་འགྱུར་བ་ཡིན།།

སྤྱི་དོན་གཉིས་པ་དབྱེ་བ་གློ་བའི་སུརཡ་དང་མཆིན་པའི་སུར་ཡ་མཁལ་མའི་སུར་ཡ་ཕོ་བའི་སུརཡ་ལོང་གི་སུརཡ་དངལྔ།།

སྤྱི་དོན་གསུམ་པ་དེ་རྟགས་དང་པོ་གློ་བའི་སུར་ཡ་མཆན་འོག་སྐྲངས། །སྟོད་གཟེར་གློ་མང་གཉིས་པ་མཆིན་པའི་སུར་ཡ་མཆིན་སྟེང་སྐྲངས། །སྟོད་གང་ཉལ་བ་མི་ཤེས་གསུམ་པ་མཁལ་མ་ནི། །མཁལ་སྟེང་སྐྲངས་ཤིང་དྲི་ཆུ་སྲི་བ་ཡིན། །བཞི་བ་ཕོ་བ་དང་ལྔ་བ་ལོང་སྦོ་འཁྲོག་བྱེད་ཅིང་སྟེང་དུ་སྐྲངས། །ཀུན་ཀྱང་སྨིན་ནས་རྣག་ཁྲག་ཤེ་རུལ་འཛག །སྐབས་སུ་གསོག་ཅིང་གློ་སློང་ལྡང་བར་བྱེད།།

སྤྱི་དོན་བཞི་པ་བཅོས་ཐབས་ཨ་བར་སྐྱུར་གྱིས་འབྱེད་ཐང་བཏང་རྗེས་ཁྲག་མང་དུ་གཏར། །དེ་འོག་ཕྱི་རྒྱུད་ལྟར་ལྟོ་དང་རྩ་ནས་དག་པར་སྦྱང༌། །བྲག་ཞུན་འོམ་བུའི་ཁཎྜ་ནད་དམིགས་ལ་བྱུག །རྒྱུད་ཕྱི་མ་ལྟར་བདུད་རྩི་ལྔ་ཡི་ལུམས་ཀྱིས་སྐྲངས་པ་འདུལ། །ཡང་ན་མེ་ཏོག་སྣ་ཚོགས་ལུམས་སུ་གཞུག །མ་ཞི་འབམ་པོ་བྱ་བྲ་ཕུག་རོན་བྲུན་སྤྲུ་མ་ཡི། །ལུམས་ཀྱིས་རྣག་ཏུ་བཀུག་ལ་སྨིན་ནས་བརྟོལ། །སྦང་མའི་འཇིབས་བྱ་ཧྲེམ་ན་བདུད་རྩི་ལྔ་ལུམས་དང་སྤེལ། །རྣག་འབྱམས་དངུལ་ཆུའི་རིལ་བུས་སྐེམ་པ་དང༌གོང་དུ་ལེའུ་ང་དགུ་པ་ཆུ་སེར་ནད་གསོ་བའི་སྐབས། དངུལ་ཆུ་མུ་ཟི་སེང་ལྡེང་སོ་མ་ར། །ཞེས་པ་ནས། སྦྲང་རྣམས་ཆུ་སེར་འཇོམས་པའོ་གཉེན་པོ་ཡིན། །ཞེས་པའི་བར་གྱི་སྦྱོར་བ་དེའོ། །དང་། །རྣག་ན་གར་བབས་པ་གནས་དང་སྦྱར་བའི་ཕྱེ་མ་ནད་སྟོབས་སྦྱར། །འབའ་སམ་སྨན་མར་ལ་རྭ་ཅོ་སྣ་ཚོགས་མཁྲིས་པ་སྣ་ཚོགས་དང༌། །བཟང་ཅུ་གུར་ལི་ཛཱ་སུག་ཀ་དྲུག་སྦྲང་དང་སྦྱར་བས་སྐེམ་པར་བྱེད། །རྩ་སྒོ་རྨ་ཡི་སྟེང་དུ་མེ་བཙས་མནན། །ཞེས་གསུངས་སོ།།