སྨན་རྩིས་དྲ་བ། - མན་ངག་རྒྱུད།

ལེའུ་བཞི་བཅུ་པ། རྒྱུ་མའི་ནད་བཅོས་པ།
བརྗོད་བྱ་སྤེལ་མཁན། རྩོམ་སྒྲིག་པ། (admin) ཟླ་ཚེས། 20.02.2021
མན་ངག་རྒྱུད། >>

ལེའུ་བཞི་བཅུ་པ། རྒྱུ་མའི་ནད་བཅོས་པ།

དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །རྒྱུ་མའི་ནད་ལ་རྒྱུ་རྐྱེན་དབྱེ་བ་དང༌། །རྟགས་དང་བཅོས་ཐབས་རྣམ་པ་བཞི་ཡིས་བསྟན།།

སྤྱི་དོན་དང་པོ་རྒྱུ་ནི་ཟས་དང་སྤྱོད་ལམ་མི་འཕྲོད་པས། །འདུ་བ་འཁྲུགས་ཏེ་རྒྱུ་མར་བབས་པའོ།།

སྤྱི་དོན་གཉིས་པ་དབྱེ་བ་རྒྱུ་ཁྲོལ་རྒྱུ་འཁྲིལ་རྒྱུ་འགྱིངས་དང༌། །རྒྱུ་འགགས་རྒྱུ་གཟེར་རྣམ་པ་ལྔ་རུ་བསྟན།།

སྤྱི་དོན་གསུམ་པ་རྒྱ་ཁྲོལ་དང་པོ་རྒྱུ་མར་རླུང་ཞུགས་བླུག་བླུག་ཟེར། །སྐབས་སུ་ཁྲོལ་ཞིང་ཆུ་རུ་འཁྲུ་བ་སྟེ། །གཉིས་པ་རྒྱུ་འཁྲིལ་རྒྱུ་མ་རླུང་གིས་གཅུས་པ་ཡིན། །འོག་རླུང་མི་ཐོན་འཁྲིལ་ཞིང་ལྡང་དུབ་བྱེད། །གསུམ་པ་རྒྱུ་འགྱིངས་རྒྱུ་མར་བད་ཀན་བེ་སྣབས་རྒྱས། །རྒྱུ་མ་ལྕི་ལ་ན་འགྱུང་ཅུང་ཟད་ཧྲིམ་ཧྲིམ་བྱེད་པ་དྲི་མ་འགྱིང༌། སྐབས་སུ་ན་ཞིང་བད་ཀན་བེ་སྣབས་འཁྲུ། །བཞི་བ་རྒྱུ་འགགས་ཁྲག་དང་མཁྲིས་པས་དྲི་མ་འགགས༌། ཚ་འདྲིལ་གཟེར་ཞིང་དྲི་མ་ཤ་རིལ་འདྲ། །ལྔ་བ་རྒྱུ་གཟེར་གཟེར་ཞིང་ཐུར་དུ་བཤལ་བ་ཡིན།།
སྤྱི་དོན་བཞི་བ་བཅོས་ཐབས་དང་པོ་རྒྱུ་འཁྲོལ་ཞུན་མར་དྭངས་མ་བཏང༌། །ཚ་བ་སྒ་པི་ཕོ་གསུམ་དང་རྒྱམ་ཚྭ་ལྕེ་མྱང་ཚྭ། །ཁ་རུ་ཚྭ་དང་བུར་དཀར་ཆུ་སྐོལ་དབུལ། །ཚྭ་འམ་གྱོ་མོ་བསྲོས་པས་རྒྱུ་མ་བདུག །གཉིས་པ་རྒྱུ་འཁྲིལ་ལ་ནི་ཤིང་ཀུན་ཁ་རུ་ཚྭ། །རྒྱམ་ཚྭ་ཚ་བ་སྒ་པི་ཕོ་གསུམ་དང་བུ་རམ་སྦྱར། །ཆང་བསྐོལ་འཕུལ་བཏང་ཚྭ་བསྲོས་དུགས་ཀྱིས་བདུག །ཕྱི་རྒྱུད་ལྟར་འཇམ་རྩི་བཏང་ཞིང་མདུན་ལྟེ་འོིག་མཚོན་གང་ཁ་གསུམ་དང་དེ་འོག་མཚོན་གང་ཁ་གསུམ་རྒྱབ་ཚིགས་བཅུ་བདུན་ལ་གསང་དུ་བསྲེག །གསུམ་པ་རྒྱུ་འགྱིངས་ཚ་བ་སྒ་པི་ཕོ་དབྱི་ཙི་ལྔ་དང་ཚྭ་སྣ་གང་ཚོགས་སྦྱར། །ལྕུམ་རྩ་ཨ་རུ་རྒྱམ་ཚ་པི་པི་ལིང་རྣམས་འི་བཤལ་བཏང་རྒྱུ་འགགས་ནི་རུས་དྲང༌། །ལྔ་བ་རྒྱུ་གཟེར་ཕྱི་རྒྱུད་ཀྱི་མཁྲིས་ཕྱེ་བདུན་པས་བཅད་པར་བྱ། །ཞེས་གསུངས་སོ།།