ལེའུ་བཅོ་བརྒྱད་པ། སྐྲན་ཞི་བར་བྱེད་པའི་གདམས་པ།

ཨོཾ་སྭསྟི་སིདྡྷཾ། དང་པོ་སྐྱབས་འགྲོ་བྱ། བྱང་ཆུབ་ཀྱི་སེམས་བསྒོམ། དེ་ནས་སྟོང་པ་ཉིད་ཀྱི་ངང་ལས་སྐད་ཅིག་གིས་རྟ་མགྲིན་དམར་པོ། ཞལ་གཅིག ཕྱག་གཉིས། གཡས་ན་པདྨ། གཡོན་ཐུགས་ཀར་སྡིག་འཛུབ་མཛད་པ། སྟག་གི་སྤགས་པའི་ཤམ་ཐབས་ཅན། རྟ་མགོ་ལྗང་གུ་དབུའི་སྟེང་དུ་གསལ་བར་བསམས་ལ། སྔགས་འདི་བཟླས་སོ། །ཨོཾ་བུར་ཀུང་། མ་ཧཱ་བར་ཀ་ན། གྷ་ཙེ་གྷུ་ཙེ། བྷི་མ་ན་སེ། བྷི་ཏ་ཀྲོ་དྷ་ཞི། གྷོ་གྷུ་ལིང་ཨུཙུཥྨ་ཀྲོ་དྷ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཞེས་གསུངས་ཞིང་ཁྲོ་བོ་རྟ་མགྲིན་དུ་བསྒོམ་ལ། བརྒྱ་འམ་ལྔ་བཅུ་ཙམ་རེ་བཟླས་ལ། ནད་ཁ་བའམ། མར་ལྟ་བུར་བསམ་ལ། སྔགས་མེའམ། ཉི་མ་ལྟ་བུར་བསམ། མཆིལ་མ་བཏབ་པས་ནད་ཐམས་ཅད་ཞུ་ནས། བཤང་ལམ་ནས་བུད་ནས་སོང་བར་བསམ་ཞིང་། སྔགས་བརྡེག་པར་བྱའོ། །སྐྲན་ཞི་བར་བྱེད་པའི་གདམས་པ་ཤིན་ཏུ་ཟབ་པ་འདིས་ཕལ་ཆེར་རྟགས་ཐོན་པ་ཡིན་ནོ། །སམཔྟ་མི་ཐི།། །།

མཐའ་མའི་འདོན་ཐེངས་།: 18.07.2019 ཉིན། 11:16 AM