ལེའུ་བཅུ་གཉིས་པ། སྣ་བཤལ་འགུགས་པའི་ཕོ་ཉ།

སྣ་བཤལ་འགུགས་པའི་ཕོ་ཉ་ཞེས་བྱ་བ་ནི། ནང་འཚོམ་(ནམ་ཚོང་)ཡན་ཆད་ཀྱི་ནད་སེལ་བ་ཡིན་ཏེ། དཔྲལ་བ་ལ་ཡོས་དུགས་བྱ། མགོ་ལ་མར་བསྐུ་སྣབས་སྐམ་པོ་ཕྱིས་ལ། རླུང་མེད་པའི་སར་འཕོངས་བསྟོད། སྔས་ཅུང་ཟད་སྨད་ལ་གན་རྐྱལ་དུ་ཉལ། དེས་ལྟག་པ་དགྱེད་བྱས་ལ། སྨན་ཁུ་སྣར་བླུགས་ལ་རྔུབ་ཏུ་གཞག དེ་ཡང་གཅེའུ་ཁ་ཕྲ་མོ་སོར་དྲུག་པར་བླུགས་ལ་ཕུས་གདབ་བོ། །སྨན་ནི་གསེར་གྱི་མེ་ཏོག་དང་། སྲོ་མ་ར་ཛ་དང་། ཐལ་ཀ་རྡོ་རྗེ་དང་། ཡུང་བ་དང་། སུག་པ་དང་། པི་པི་ལིང་དང་། ཚ་ལ་དང་སྐྱེར་བའི་རྩ་བ་རྣམས། རའི་འོ་མའམ་དྲི་ཆུ་ལ་སྦྱར་ལ་གཏང་། དེ་ལྟ་བུ་ཉི་མ་ལྔ་ཙམ་གཏང་ངོ་། །གལ་ཏེ་བརྒྱལ་ན་བྲང་དང་གདོང་པ་ལ་ཆུ་ལྕག་བརྡེག་གོ། དེ་ནས་ཆུ་སྐོལ་གྱི་ཁ་བཤལ་ལ་གསུར་དུད་གཏང་། དེས་ནི་མགོ་བོའི་ནད་དང་། མིག་ཚད་དང་། ཁྱད་པར་དུ་ཚ་བ་མིག་ལ་བྲོས་པ་དང་། སྣ་བུག་ཅི་སྣ་ནས་ཆུ་སེར་འཛག་པའི་ནད་སེལ་བར་བྱེད་དོ། །འདིས་ནི་དཔེར་ན་ཆད་སྦུ་གུ་ནས་འདོན་པ་དང་འདྲའོ། །སྣ་བཤལ་འགུགས་པའི་ཕོ་ཉ་ཞེས་བྱ་བའི་ལེའུ་རྫོགས་སོ། །ས་མཱ་པྟ་མི་ཐི།། །།

མཐའ་མའི་འདོན་ཐེངས་།: 18.07.2019 ཉིན། 10:54 AM