ལེའུ་དོན་ལྔ་པ། རྐང་བམ་བཅོས་པ།

དེ་ནས་ཡང་འཚོ་མཛད་སྨིན་[སྨན་]པའི་རྒྱལ་པོས་བཀའ་སྩལ་[བསྩལ་]པ། དཔྱད་བུ་ལ་སོགས་གསོ་བ་འཛིན་པ་ཀུན། །རྐང་འབམ་ནད་ལ་རྒྱུ་རྐྱེན་དབྱེ་བ་དང༌། །རྟག་[རྟགས་]དང་བཅོས་ཐབས་རྣམ་པ་བཞི་ཡིས་བསྟེན[བསྟན]། །རྒྱུ་རྐྱེན་ཟས་སྤྱོད་གདོན་རྐྱེན་བད་ཀན་ཁྲག །འཕེལ་བས་ཤ་རུ་[རུས་]ཁད་ཀྱིས་འཐུག་ཧྲེབ་སྐྲངས། །ན་བའི་ཟུག་གཟེར་ཆུང་བས་རྐང་བམ་ཟེར། །རྐང་ལག་རྣ་བ་མཆུ་དང་སྣ་ལ་མོད། །དེ་ཡང་རླན་ཅན་ཡུན་དུ་འབྱུང་བ་ཡིན། །གཉིས་པ་དབྱེ་བ་རླུང་འཁྲིས་[མཁྲིས་]བད་ཀན་གསུམ། །དེ་རྟགས་རླུང་གྱུར་རྕུབ་ཅིང་སྐྲང་མདོག་ནག །འཁྲིས་[མཁྲིས་]གྱུར་མདོག་སེར་ཚ་བསྐྱེད་འཆེམ་[ཆམ་]རིམས་འབོག །བད་ཀན་ལུས་དང་རྐང་པ་ལྗི་[ལྕི་]ལ་ཟུག་གཟེར་ཆུང་། །གསུམ་[བཞི་]པ་བཅོས་ཐབས་རླུང་གྱུར་དུག་[དུགས་]གཏར་རྒྱུན་སྦྱོང་བྱ། །འཁྲིས་[མཁྲིས་]གྱུར་གཏར་ཁ་བོང་ང་སྤོས་དང་[དཀར་]ཁྱི་ལྕེ་བྱུག །བད་གྱུར་པི་ལིང་ཨ་རུའི་[ཐང་]བཏང་མ་ཐེམ་[མཐེབ་]རྩ་གཏར། །འུ་སུ་ཉུངས་ཀར་འབྲི་ཏ་ཧ་[བྲྀ་ཧ་ཏི་]ཡིས་བྱུག །ཟས་སྤྱོད་འདུ་བ་ནད་གཞི་དེ་དང་སྦྱར། །ཅེས་གསུངས་སོ།།

གསོ་བྱའི་ནད་འབུམ་ནག་པོ་ལས་རྐང་བམ་བཅོས་པའི་ལེའུ་སྟེ་དོན་ལྔ་པའོ།། །།

མཐའ་མའི་འདོན་ཐེངས་།: 03.01.2024 ཉིན། 3:20 PM