ལེའུ་དགུ་པ་འོར་ནད་གསོ་བ་ལ་བཞི། ཉན་པར་གདམས་པ། མདོར་བསྟན། རྒྱས་བཤད། མཚན་ནོ། དང་པོ་ནི། །དེ་ནས་ཞེས་རྐང་པ་གཉིས་ཀྱིས་བསྟན་ནོ། །གཉིས་པ་ནི། འོར་ནད་ཅེས་རྐང་པ་གཉིས་ཀྱིས་བསྟན་ཏེ། འོར་ནད་གསོ་བའི་རྒྱུ་རྐྱེན་དབྱེ་བ་དང༌། རྟགས་དང་བཅོས་ཐབས་རྣམ་པ་བཞིས་བསྟན་ནོ། །དང་པོ་ནི། རྒྱུ་རྐྱེན་ཟས་དུས་རྐྱེན་གྱིས་བསྐྱེད་པ་གསུམ་ཞེས། འོར་གྱི་ངོ་བོ་ནི་སྐྱ་རྦབ་ལྟོས་ཆེར་ཕྱི་རུ་སྨིན་པ་ཡིན་ལ། དེའང༌། ཟས་བསྐྱེད། དུས་བསྐྱེད། རྐྱེན་བསྐྱེད་གསུམ་ལས། དང་པོ་ནི། དང་པོ་ཞེས་རྐང་པ་བཞིས་བསྟན་ནོ། །གཉིས་པ་ནི་དུས་བསྐྱེད་ཅེས་རྐང་པ་གཅིག་གིས་བསྟན་ནོ། །གསུམ་པ་ནི་རྐྱེན་བསྐྱེད་ཅེས་རྐང་པ་གཅིག་གིས་བསྟན་ནོ། །གཉིས་པ་ནི། དབྱེ་བ་ཞེས་རྐང་པ་གཉིས་ཀྱིས་བསྟན་ཏེ། རླུང༌། མཁྲིས་པ། ཁྲག བད་ཀན། བསྣད་པ། དུག་ལས་བྱུང་བ་དྲུག་གོ །གསུམ་པ་ལ་གཉིས། མདོར་རྒྱས་སོ། །དང་པོ་ནི། རྟགས་ལ་སྤྱི་དང་བྱེ་བྲག་རྣམ་པ་གཉིས་ཞེས་སྤྱི་བྱེ་བྲག་གོ །དང་པོ་སྤྱི་རྟགས་ལ་གཉིས། ཞུགས་རྟགས་དང༌། འཕེལ་རྟགས་སོ། །དང་པོ་ནི། སྤྱི་རྟགས་ཞེས་རྐང་པ་གསུམ་གྱིས་བསྟན་ཏེ། ལུས་དང་ཡན་ལག་སྙོམ་པ་ཞེས་སྤྲོ་བ་ཆུང་ཞིང་སྒྱིད་ལུག་ལ་ངལ་བའོ། གཉིས་པ་ནི་དེ་རྗེས་ཞེས་རྐང་པ་བཞིས་བསྟན་ནོ། །གཉིས་པ་བྱེ་བྲག་རྟགས་ལ་དྲུག་ལས་དང་པོ་ནི་བྱེ་བྲག་ཅེས་རྐང་པ་གཉིས་ཀྱིས་བསྟན་ཏེ། སྐྲངས་རྩུབ་ཅེས་པ་རྩུབ་གསོབ་ནི་སྐྲངས་པ་གསོབ་པའོ། །གཉིས་པ་ནི་མཁྲིས་འོར་ཞེས་རྐང་པ་གཅིག་གིས་བསྟན་ནོ། །གསུམ་པ་ནི་ཁྲག་འོར་ཞེས་རྐང་པ་གཅིག་གིས་བསྟན་ནོ། །བཞི་པ་ནི་བད་ཀན་ཞེས་རྐང་པ་གཉིས་ཀྱིས་བསྟན་ནོ། །ལྔ་པ་ནི་བསྣད་འོར་ཞེས་རྐང་པ་གཅིག་གིས་བསྟན་ནོ། །དྲུག་པ་ནི་དུག་རེག་ཅེས་རྐང་པ་གཅིག་གིས་བསྟན་ནོ། །བཞི་པ་ལ་གཉིས། མདོར་རྒྱས་སོ། །གདང་པོ་ལ་གཉིས། བཅོས་པའི་ཐབས་ལ་སྤྱི་དང་བྱེ་བྲག་གཉིས། ཞེས་སྤྱི་དང་བྱེ་བྲག་གོ གཉིས་པ་རྒྱས་པར་བཤད་པ་གཉིས་ལས། དང་པོ་ནི། སྤྱི་བཅོས་ཞེས་རྐང་པ་བཅུས་བསྟན་ནོ། །གཉིས་པ་ལ་དྲུག་ལས་དང་པོ་ནི། ཁྱད་པར་ཞེས་རྐང་པ་གསུམ་གྱིས་བསྟན་ཏེ། ཁྱད་པར་རླུང་ལ་བ་ཡི་རྣམ་ལྔའི་མར་ནི་ཕྱི་རྒྱུད་ལྟར་རོ།།

        གཉིས་པ་ནི་མཁྲིས་འོར་ཞེས་རྐང་པ་གསུམ་གྱིས་བསྟན་ནོ། །ཐོད་ནི་དུར་ནས་ཐོན་པའི་ཐོད་པའོ། །གསུམ་པ་ནི་ཁྲག་འོར་ཞེས་རྐང་པ་གསུམ་གྱིས་བསྟན་ཏེ། སྦྱངས་པ་ནི་སྤྱི་རུ་བསྟན་པའི་སྦྱོངས་སོ། །ཉི་ཤུ་རྩ་ལྔ་པ་ནི་ག་བུར་ཉེར་ལྔ་པའོ། །ཆུ་སེར་སྨན་བསྒྱུར་བ་ནི། ཆུ་སེར་སྨན་གསུམ། སླེ་ཏྲེས། སྐྱེར་པ་སོགས་སོ། །བཞི་པ་ནི་བད་ཀན་ཞེས་རྐང་པ་གཅིག་གིས་བསྟན་ཏེ། སྦྱངས་པ་ནི་གོང་ལྟར་ལ། ཐལ་སྨན་ནི་ཕྱི་རྒྱུད་ཐལ་སྨན་དུ་བཤད་པའི་རྣོན་པོའོ། །ལྔ་པ་ནི་བསྣད་པའི་ཞེས་རྐང་པ་གཅིག་གིས་བསྟན་ཏེ། ཁྲག་དབྱུང་བ་ནི། གང་ཉེ་བའི་རྩ་དང་སྟེང་དུ་རྔབས་རུས་ཁྲག་དབྱུང་ངོ༌། །བསིལ་བའི་བྱུག་པ་ནི། ཏིག་ཏ། བྲག་ཞུན། ཧོང་ལེན། སྲོ་ལོ། ཙན་དན་རྣམས་བྱུག་གོ །དྲུག་པ་དུག་བསྐྱེད་ཅེས་རྐང་པ་གཅིག་དང་འབྲུ་གསུམ་གྱིས་བསྟན་ཏེ། སྦྱར་དུག་གསོ་བར་བསྟན་པ་དང༌། འོར་བཅོས་འདྲེས་པར་བྱའོ། བཞི་པ་ལེའུའི་མཚན་ནི་བདུད་རྩི་ཞེས་པ་ནས་དགུ་པའོ་ཞེས་བསྟན་ནོ།།

མཐའ་མའི་འདོན་ཐེངས་།: 29.09.2011 ཉིན། 2:11 PM