ལེའུ་ཉེར་བདུན་པ། རིམས་ནད་བསྲུང་བའི་གདམས་པ།

རིམས་ནད་བསྲུང་བའི་མན་ངག་ནི། གླ་རྩི་གི་ཝང་ཤིང་ཀུན་གསུམ། །ཤུ་དག་བོང་ང་ཨ་རུ་ར། །སྒོག་སྐྱས་བསྡུས་ལ་རི་ལུ་བྱ། །གཟེར་ཐུང་རིམས་ནད་ཐམས་ཅད་ཐུབ། །གི་ཝང་བདུན་པ་ཞེས་བྱ་སྟེ། །རི་ལུ་རེ་ཡིས་ཞག་བདུན་ཐུབ། །ལྟོ་སྟོང་དག་ལ་རེ་རེ་གཏང་། །དེ་ལ་ཉམ་ང་ཐེ་ཚོམ་མེད། །རྗེ་བཙུན་ཆེན་པོའི་ཞལ་གྱི་གདམས་པ་ཤིན་ཏུ་ཟབ་བོ། །ཐར་ནུ་སུམ་གཉིས། ར་དུག་པ་སུམ་ཆ། ཨ་རུ་ར་ཞིབ་པར་བཏགས་ལ། བུ་རམ་མམ། འོ་མ་དང་སྦྱར་ལ་ཐང་ཀ་ལ་གླན། དེ་ནས་ལྟོ་སྟོང་ལ་སོ་རྩ་མངར་ཙམ་རེ་མྱང་། དེས་རིམས་ནད་ཐམས་ཅད་དང་། བྱེ་བྲག་ཏུ་བྱིས་རིམས་ཐུབ་པར་འགྱུར་རོ། །ཡང་མཎྜལ་གི་སྟེང་དུ། དབུས་སུ་འཇམ་དཔལ་གྱི་རྟེན་ཡུང་བ། གཡས་སུ་སྤྱན་རས་གཟིགས་ཀྱི་རྟེན་ཤུ་དག གཡོན་དུ་ཕྱག་ན་རྡོ་རྗེའི་རྟེན་བོང་བ་ནག་པོ་གཅིག་བཞག་ལ། སྔགས་འདི་བཟླས་སོ། །ཨོཾ་ཐིམ་ཏ་ར་ས་དུནྟཱི་ཛྭ་ལ་རཾ་པ་ཡེ་སྭཱ་ཧཱ། ཞེས་རང་བསྲུང་བ་ལ་ལྔ་བརྒྱ། གཞན་བསྲུང་བ་ལ་སུམ་བརྒྱ་བཟླས་ལ། ཡུང་བའི་ཕུར་མ་དབུས། ཤུ་དག་གཡས། བོང་ང་གཡོན་དུ་བྱས་ལ་མགུལ་དུ་གདགས་སོ། །དེས་རིམས་ནད་ཐམས་ཅད་ཐུབ་པར་འགྱུར་རོ། །བཅོམ་ལྡན་རིགས་གསུམ་མགོན་པོའི་གདམས་པ་ཟབ་བོ། །རྗེ་བཙུན་ཆེན་པོའི་ཞལ་གདམས་སོ། །གསུམ་གྱི་སྦྱོར་བའི་མན་ངག་ལ། བོང་ང་ནག་པོ་ཆ་གཅིག་ལ། ཨ་རུ་ར་དྲུག་ལོག་བཏང་ལ་ལྕག་ཕོར་དུ་དྲི་ཆུ་ལ་ཡུན་རིང་སྦྱངས་ལ་རིལ་བུ་བྱ། གག་ལྷོག་ལ་རིལ་བུ་ལྔ་ལྔ་ཆུས་འཕུལ་ལ་གཏང་། རྗེས་ལ་མངར་དང་དཀར་དང་སྐྱུར་སྤང་ངོ་། །བོང་ང་ནག་པོ་དང་ཛཱ་ཏི་དུམ་གཅིག ཨ་རུ་ར་གསེར་མདོག་བདུན་འགྱུར་སྙིང་རླུང་ལ་གཏང་། བོང་ང་ནག་པོ། ཨ་རུ་ར་བདུན་འགྱུར། ཤུ་དག རུ་རྟ། དུ་བ། སྒོག་སྐྱ། བྱིས་པའི་དྲི་ཆེན། དྲི་ཆུ་དེ་རྣམས་སྦྱར་ལ། ལྷོག་པ་ལ་ཕྱིའི་བྱུག་ནན་བྱའོ། །བོང་ང་། ཤུ་དག བ་བླ། ཆུ་རྩ། རུ་རྟ། གྲེ་བའི་གག་པ་ལ་གཏང་ངོ་། །ཨོཾ་སྭསྟི་སིདྡྷཾ། རིམས་བསྲུང་བ་རིན་པོ་ཆེའི་གདམས་པའི་ལུགས་འདི་ལ་སྨན་འདི་རྣམས་སོ། །བོང་ང་ནག་པོ། མུ་ཟི། གུ་གུལ་ནག་པོ། སྦྲུ་བའི་རྩ་བ། ཤིང་ཀུན། གླ་རྩི། ལྡོང་རོས། བ་བླ། སྟག་ཤ་བ། དྲི་ཆེན། དྲི་ཆུ། ར་དུག་པ། རྭ་གཞོབ་འདི་རྣམས་ལེགས་པར་བཏགས་ལ། ཐུམ་བུ་བྱས་ལ། དྲི་སྣ་བུག་ཏུ་གཏང་ངོ་། །ནད་ཚབས་ཆེན་པོ་ལ་འཇུ་ན་དྲི་ཆུ་ལ་སྦྱར་ལ་ནད་འགོས་པའི་སྒོ་དགུ་ཐིག་ལེ་བྱ། བསྲུང་བ་ལ་མི་འགོམ་པར་བྱའོ། །སྔགས་ཀྱི་བསྲུང་བ་ལ། ཨོཾ་མ་ཏཾ་གྷོ་བྷིས་ཆེ་ནི་སྭ་ཧཱ། ཞེས་མང་དུ་བཟླས་སོ། །ས་མཔྟ་མི་ཐི།། །།

མཐའ་མའི་འདོན་ཐེངས་།: 18.07.2019 ཉིན། 12:32 PM