ལེའུ་ཉེར་དྲུག་པ། སྤང་བླང་མུ་བཞིའི་སྒོ་ནས་བརྟག་པ།

དེ་ནས་ཡང་འཚོ་མཛད་སྨན་པའི་རྒྱལ་པོས་འདི་སྐད་གསུངས། དཔྱད་བུ་ལ་སོགས་གསོ་བ་འཛིན་པ་ཀུན། །སྤང་བླང་མུ་བཞིའི་སྒོ་ནས་བཏག་(བརྟག་)པ་ནི། །གསོ་སླ་གསོ་དཀར་(དཀའ་)གསོ་ཙམ་སྤང་བ་བཞི། །གསོ་སླ་བ་ནི་ཡན་ལག་ལྡན་པ་དང༌། །གང་ཟག་ནད་ཀྱི་སྒོ་ནས་གསོ་སླ་བ། །ཡན་ལག་སྒོ་ནས་གསོ་བར་སླ་བ་ནི། །སྨན་པ་སྨན་དང་ནད་གཡོག་རྣམ་པ་གསུམ། །སྨན་པ་མཁས་པའི་སྟེག་(སྟེགས་)ལ་འཛེགས་པ་དང༌། །གཞུང་གི་དོན་ཤེས་ལས་རྣམས་མཐོང་ཞིང་གཙང༌། །སྨན་གྱི་ཆོ་ག་ཡན་ལག་མང་དུ་ལྡན། །ཕུན་གསུམ་(སུམ་)ཚོགས་དང་ཕྲོད་(འཕྲོད་)པར་སྦྱོར་བའོ། །ནད་གཡོག་སྒྲིན་བརྩེ་གཙང་སྦྲ་བློ་དང་ལྡན། །ཡན་ལག་བཅུ་གཉིས་ལྡན་ན་གསོ་བ་སླང་(སླ)། །གང་ཟག་ནད་པ་སྐྱེས་བུ་གཞོན་ཞིང་དུལ། །སྙིང་སྟོབས་ལྡན་ཞིང་སྨན་དཔྱད་བཟང་(བཟོད་)པའི་ལུས། །རྫས་ཕྱུག་བསྒོ་བ་ཉན་ལ་ཤེས་པར་ནུས། །དྲིས་པའི་ནད་རྟག་(རྟགས་)ཟློས་མཁས་གསོ་སླའི་ཡུལ། །ནད་ཀྱི་སྒོ་ནས་གསོ་བར་སླ་བ་ནི། །རྒྱུ་དང་སྔར་ཚུལ་མཚན་ཉིད་ཆུང་བ་ལ། །གནོད་བྱེད་ཡུལ་དུས་རང་བཞིན་མི་མཚུངས་དང༌། །གནོད་མེད་ལམ་གཅིག་རྐྱང་པ་གསར་གསོ་སླ། །འོན་ཀྱང་རིམས་ལ་ཡུལ་དུས་མཚུངས་པ་དང༌། །ཆུ་འགག་ནད་ལ་གནོད་བྱ་མཉམ་པ་དང༌། །ཁྲག་སྐྲན་རྙིང་པ་གསོ་བ་སླ་ཞེས་བྱ། །གསོ་དཀའ་བ་ནི་སླ་བ་དེ་དང་འདྲེས། །ཐབས་མང་ཡུན་རིང་གསོ་བ་དགོས་པའོ། །དེ་ལས་གསོ་ལོགས་(གོ་ལོག་)གྱུར་པ་གོམ་(གོམས་)ཕན་ཉིད། །ཚེ་ཡི་ལྷག་མ་ལུས་སྲིད་གསོ་བ་ཙམ། །སྤང་བར་བྱ་ལ་གསོ་ཐབ་(ཐབས་)ཡོད་མེད་གཉིས། །གསོ་ཐབ་(ཐབས་)མེད་པར་སྤང་བར་བྱ་བ་ནི། །ཤིན་ཏུ་ཕྱིན་ཅིག་(ཅི་)ལོགས་(ལོག་)དང་འཆི་ལྟས་སྣང་། །སག་(སྲོག་)གཅོད་ནད་དགུས་དེ་ལུས་ཟན་(ཟད་)པ་སྤོང་(སྤོངས)། །རྒྱལ་པོ་དགེ་བའི་བཤེས་དང་འགྲོ་ལ་སྡང༌། །སྨན་པས་བྱས་པ་མི་གཟོ་བརྙེས་(བརྙས་)ཐབས་བྱེད། །བྲེལ་དང་འབྱོར་བ་མི་ལྡན་ཉན་མི་བཏུབ། །ཚེ་ཟད་མྱ་ངན་ལ་གནན་(གནས་)བསྟན་པ་བཤིག །སྐྱེ་བོའི་ཡ་ག་ངན་པ་འབྱུང་བའི་ཕྱིར། །གསོ་ཐབས་ཡོད་ཀྱང་སྤང་བར་བཤད་པ་ཡིན། །ཞེས་གསུངས་སོ། །

གསོ་བྱེད་དཔྱད་འབུམ་ཁྲ་བོ་ལ་(ལས་)སྤོང་(སྤང་)བླང་མུ་བཞི་བརྟག་པའི་ལེའུ་སྟེ་ཉི་ཤུ་རྩ་དྲུག་པའོ།། །།

མཐའ་མའི་འདོན་ཐེངས་།: 30.05.2023 ཉིན། 10:28 AM