ལེའུ་ང་གསུམ་པ་དྲི་མ་འགགས་པ་གསོ་བ་ལ་གསུམ། ཉན་པར་གདམས་པ་དང༌། གཞུང་དོན་བཤད་པ་དང༌། ལེའུའི་མཚན་བསྟན་པའོ། །དང་པོ་ནི། དེ་ནས་ཞེས་རྐང་པ་གཉིས་ཀྱིས་བསྟན་ནོ། །གཉིས་པ་ལ་གཉིས་མདོར་རྒྱས་སོ། །དང་པོ་ནི། དྲི་མ་ཞེས་རྐང་པ་གཉིས་ཀྱིས་བསྟན་ཏེ། དྲི་འགགས་ཀྱི་རྒྱུ་རྐྱེན་ལྷན་ཅིག་ཏུ་བསྟན་པ་དང༌། དེ་བཞིན་དུ། དབྱེ་བ། རྟགས་དང༌། བཅོས་ཐབས་ཏེ་བཞིར་བཤད་པའོ། །གཉིས་པ་རྒྱས་པར་བཤད་པ་ལའང་བཞི་ལས།

        དང་པོ་ནི། རྒྱུ་རྐྱེན་ཞེས་རྐང་པ་གཉིས་ཀྱིས་བསྟན་ཏེ། རྒྱུ་དེ་བསྐྱེད་རྐྱེན་ནི་ཟས་དང་སྤྱོད་ལམ་དང་གདོན་གྱིས་རྐྱེན་ནས་འདུ་བ་འཁྲུགས་པ་དང༌། རྒྱུ་མ་དང་ལོང་བཤང་བའི་ལམ་རྣམས་སྐམས་པ་ལ་བརྟེན་ནས་དྲི་མ་བསྡམས་པའི་ནད་དུ་གྱུར་པའོ། །གཉིས་པ་དབྱེ་བ་བཤད་པ་ནི། །དབྱེ་བ་ཞེས་རྐང་པ་གཉིས་ཀྱིས་བསྟན་ཏེ། དེ་ཡང་རླུང་ལས་གྱུར་པ་དང༌། དེ་བཞིན་དུ། མཁྲིས་པ་དང༌། བད་ཀན་དང༌། སྲིན་དང༌། ཐུར་སེལ་གྱི་རླུང་གྱེན་ལ་ལོག་པ་དང་ལྔར་དབྱེ་བའོ། །གསུམ་པ་རྟགས་བཤད་པ་ལའང་ལྔ་སྟེ། དང་པོ་ནི། དེ་རྟགས་ཞེས་རྐང་པ་གཅིག་གིས་བསྟན་ནོ། །གཉིས་པ་ནི། མཁྲིས་པ་ཞེས་རྐང་པ་གཅིག་གིས་བསྟན་ནོ། གསུམ་པ་ནི། བད་ཀན་ཞེས་རྐང་པ་གཅིག་གིས་བསྟན་ནོ། །བཞི་པ་ནི། སྲིན་གྱུར་ཞེས་རྐང་པ་གཅིག་གིས་བསྟན་ནོ། །ལྔ་པ་ནི། ཐུར་སེལ་ཞེས་རྐང་པ་གཅིག་གིས་བསྟན་ནོ། །བཞི་པ་བཅོས་ཐབས་བཤད་པ་ལ་གཉིས་སྤྱི་བཅོས་དང༌། བྱེ་བྲག་གི་བཅོས་སོ། །དང་པོ་ནི། བཅོས་ཐབས་ཞེས་རྐང་པ་གཅིག་གིས་བསྟན་ནོ། །གཉིས་པ་བྱེ་བྲག་གི་བཅོས་བཤད་པ་ལ་དྲུག་ལས། དང་པོ་ནི། རླུང་ལ་ཞེས་འབྲུ་བཞིས་བསྟན་ནོ། །གཉིས་པ་ནི། མཁྲིས་པ་ཞེས་འབྲུ་ལྔས་བསྟན་ནོ། །གསུམ་པ་ནི། བད་ཀན་ཞེས་འབྲུ་བཞིས་བསྟན་ནོ། །ལྔ་པ་ནི། ཐུར་སེལ་ཞེས་རྐང་པ་གཅིག་གིས་བསྟན་ནོ། །དེ་ལྟར་རླུང་སྣ་རླུང་གིས་དྲངས་པ་ནི། འོག་རླུང་གློད་ལ་སྟེང་རླུང་མནན་ཕོང་རླུང་ཕྱོགས་སུ་བཟེད་པའོ། །ཡང་འདི་ལ་གསང་སྔགས་ལུགས་ཀྱི་རླུང་ལ་འདྲིས་ནས་ཐོག་མར་རྒྱབ་རླུང་ཚན་ཆེར་བཅུག་སྟེ་སྟེང་རླུང་རྔུབས་པ་མནན་ཞིང་འཕུལ་རྒྱབ་ཐུར་དུ་བཙིར་ན་མཆོག་ཏུ་འགྱུར་བ་ཡིན་ནོ། །དྲུག་པ་དེ་རྣམས་ཀྱི་སྨན་དང་ཟས་སྤྱོད་སྤྱིར་བསྟན་པ་ནི། ཨ་རུ་ཞེས་རྐང་པ་གསུམ་དང་འབྲུ་གསུམ་གྱིས་བསྟན་ནོ། །གསུམ་པ་ལེའུའི་མཚན་ནི། བདུད་རྩི་ཞེས་པ་ནས་ལྔ་བཅུ་རྩ་གསུམ་པའོ་ཞེས་པས་བསྟན་ནོ།།

མཐའ་མའི་འདོན་ཐེངས་།: 24.08.2011 ཉིན། 10:15 PM