ལེའུ་བཅོ་ལྔ་པ། གནས་སྐབས་ཀྱི་སྤྱོད་ལམ་བསྟན་པ།

 དེ་ནས་ཡང་དྲང་སྲོང་རིག་པའི་ཡེ་ཤེས་ཀྱིས་འདི་སྐད་ཅེས་གསུངས་སོ། །ཀྱེ་དྲང་སྲོང་ཆེན་པོ་ཉོན་ཅིག །གསུམ་པ་གནས་སྐབས་སྤྱོད་ལམ་བསྟན་པ་ནི། །

བཀྲེས་པ་དང་སྐོམ་པ་དང་སྐྱུག་པ་དང་གཡལ་དང་སྦྲིད་པ་དང༌། །དབུགས་དང་གཉིད་དང་ལུད་པ་དང་མཆི་མ་དང་བཤང་བ་དང་འཕྱེན་དང་། །གཅིན་དང་ཁུ་བའི་ཤུགས་ནི་བགག་མི་བྱ། །

དེའང་བཀྲེས་པ་བཀག་པས་ལུས་ཞིག་ཉམ་ཆུང་ཡི་ག་འཆུས། །མགོ་འཁོར་ལ་དེའི་ཟས་ཡང་ཞིང་སྣུམ་པ་དྲོ་ཆུང་སྦྱར། །

སྐོམ་བཀག་པས་ཁ་སྐམ་མགོ་འཁོར་སྙིང་ནད་འབྱུང༌། །མྱོས་འགྱུར་དེ་ཟས་སྨན་བསིལ་བའི་ཆོ་ག་ཐམས་ཅད་ཀྱིས་ཕན། །

སྐྱུགས་པ་བཀག་པས་དང་ག་འགག་པ་དང་དབུགས་མི་བདེ་ཞིང་། །སྐྱ་རྦབ་དང་མེ་དབལ་དང་གཡན་པ་དང་འབྲས་དང་མཛེ། །མིག་ནད་དང་ལུད་པ་རིམས་ནད་འབྱུང་བར་འགྱུར། སྨྱུང་བར་གནས་ཞིང་དུད་བ་རྣོན་པོ་བདུག་པ་དང་སྨན་གྱི་ཁ་བཀང་ལ་དབོ་བར་བྱ། །

སྦྲིད་བཀག་པས་དབང་པོ་མི་གསལ་མགོ་བོ་ན། །གཉའ་བ་རེངས་པ་དང་ཁ་ཡོ་བ་དང་འགྲམ་པ་ཆག་པས་ལྡན་མི་ཤེས་པར་འགྱུར། །དུད་བ་རྣོན་པོ་བདུག་པ་དང་སྣ་སྨན་བཏང་བ་དང་ཉི་མ་བལྟ་བས་བསལ། །གཡལ་བཀག་པས་དེ་གོང་གིས་སྦྲིད་པ་དང་འདྲ་ཆོ་ག་རླུང་འཇོམས་ཕན། །

ངལ་དུབ་འདི་ངལ་དུབ་ཀྱིས་དབུགས་རྔམས་རྩེག་ཅིང་དབུགས་འཐུམ་བཀག་པ་ལྟར་བྱུང་བ་དེ་ལ་དལ་བར་བསྡད་ཅིང་ངལ་གསོ། སྣ་བུག་གི་རླུང་འབྱུང་འཇུག་རིང་པོར་འཕེལ་བས་ཕན་ཞེས་འཆད་དགོས་པ་རང་འགྲེལ་དང་འབུམ་ནག་ཏུ་རླུང་སེལ་བའི་ཆོས་ག་ཞེས་བཤད་པ་ནོར་རོ། ངལ་དུབ་ཀྱི་དྲལ་དབུགས་བཀག་པས་སྐྲན་དང་སྙིང་ནད་འབྱུང༌། །མྱོས་འགྱུར་དེར་ནི་ལུས་ངལ་གསོ་ཞིང་རླུང་འབྱུང་འཇུག་རིང་པོར་འཕེལ་ཏེ་ནད་སེལ་བར་ཕན། །

གཉིད་བཀག་པས་གཡལ་མང་ཞིང་ལུས་སྙོམ་ལ་མགོ་བོ་ལྕི། །མིག་འགྲིབ་ཁ་ཟས་མི་འཇུ་དེ་ལ་ཤ་ཁུ་དང༌། །ཆང་བཏུང་བ་དང་བསྐུ་མཉེ་བྱ་ཞིང་གཉིད་ལོག་པས་ཕན། །

ལུད་པ་བཀག་པས་ལུད་པ་འཕེལ་ཞིང་དབུགས་མི་བདེ། །ཤ་སྐེམ་པ་དང་སྐྱིགས་བུ་དང་སྙིང་ནད་དང་ཡི་ག་འཆུ། །དེར་ནི་ལུད་པ་བསལ་བའི་ཆོ་ག་བྱ། །

མཆི་མ་བཀག་པས་སྙིང་དང་མགོ་བོ་ན། །སྣ་ཆུ་འཛག་ཅིང་མགོ་འཁོར་ཡི་ག་འཆུས། །དེ་ལ་ཆང་བཏུང་གཉིད་ལོག་གཏམ་སྙན་བཤད་པས་ཕན། །

འཕྱེན་བཀག་པས་རྟུག་སྐམས་འཕྱེན་དང་བཤང་བ་འགག །སྐྲན་གཟེར་དང་མིག་རྟུལ་མིག་ཤད་ཉམས་པ་དྲོད་ཆུང་སྙིང་ནད་འགྱུར། །

བཤང་བ་བཀག་པས་ཁ་རུ་མི་གཙང་བཤང་དྲི་འབྱུང༌། །ཀླད་པ་ན་ཞིང་རྐང་ལག་གི་ཉྭ་འགྱུར་ཆམ་པས་འདེབས། །སྔར་བཤད་འཕྱེན་བཀག་པའི་ནད་འགྱུར་གཅིན་བཀག་པས་རྡེའུ་ནད་དང༌། །ཆུ་སོ་ཕོ་མཚན་དཀུ་ནད་སྔར་བཤང་བ་བཀག་པའི་ནད་འབྱུང༌། །དེ་སྨན་རེང་བུ་མས་བཏང་ལུས་བཅིང་དང༌། །བསྐུ་བྱུག་དང་དུགས་དང་སྨན་མར་བསྟེན་པར་བྱ། །

ཁུ་བ་བཀག་པས་དེ་འཛག་ཕོ་མཚན་ན། །ཆུ་འགག་རྡེ་འུ་འཕེལ་དང་མ་ནིང་འགྱུར། །དེ་ལ་སྨན་མས་བཏང་ལུས་བཅིང་བུད་མེད་སྤྱད་པར་བྱ། །ཏིལ་མར་དང་འོ་མ་དང་ཁྱིམ་བྱའི་ཤ་དང་ཆང་བཏང༌། །

དེ་ལྟར་ཤུགས་ནི་བཀག་དང་བཙིར་བ་ཡིས། །ནད་ཀུན་འབྱུང་བར་འགྱུར་ཏེ་འཕྲལ་དུ་རླུང་འཁྲུག་པས། །དེ་ཕྱིར་དེ་ཡི་ཟས་དང་སྨན་སྐོམ་སྦྱར། །ནད་གང་ལའང་སྨྱུང་དང་ཞི་བས་ཟས་སྤྱོད་ཀྱིས་བཞུ་བྱས་ཀྱང༌། །ཕྱིས་རོ་མ་ལྡང་བར་འགྱུར་པས་ལེགས་པར་སྦྱངས་ན་སླར་མི་འབྱུང༌ངོ་། །དེ་ཕྱིར་དགུན་ཟླ་བ་བཅུ་པ་དང་བཅུ་གཅིག་དང་བཅུ་གཉིས་དང་དང་པོ་བཅས་ལ་བསགས་པའི་གྲང་ནད་དཔྱིད་ཟླ་བ་དང་པོ་དང་གཉིས་པ་དང་གསུམ་པའི་དུས་སྦྱང༌ལ། །སོས་ཟླ་བ་བཞི་པ་དང་ལྔ་པར་བསགས་པའི་ནད་དེ་དབྱར་ཟླ་བ་དྲུག་པ་དང་བདུན་པར་སྦྱང་བ་དང་དབྱར་ཟླ་བ་དེ་ཉིད་ལ་བསགས་པའི་ནད་སྟོན་ཟླ་བ་བརྒྱད་པ་དང་དགུ་པའི་དུས་སུ་སྦྱང༌ངོ་། །ལེགས་པར་སྦྱངས་པས་ནད་རོ་ཐོན་ནས་ཕྱིས་སུ་ནད་མེད་པར་འགྱུར་ལ། །རྟག་ཏུ་ཕན་པའི་ཟས་དང་སྤྱོད་ལམ་རྣམས། །ཉམས་མྱོང་དང་ལྡན་པས་བསྟེན་པར་བྱེད་ན་ནད་གང་ཡང་མི་འབྱུང༌ཞིང་། །གཞན་ཡང་ནད་ཀུན་མི་སྐྱེ་བ་དང་སྐྱེས་པའང་ཞི་བར་བྱ་བའི་ཕྱིར། །གནས་སྐབས་ཀྱི་སྤྱོད་པའི་ཆོ་ག་འདི་ཉིད་ཤིན་ཏུ་བསྔགས་པ་ཡིན་ནོ། །ཞེས་གསུངས་སོ། །

བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་ལས་གནས་སྐབས་ཀྱི་སྤྱོད་ལམ་བསྟན་པའི་ལེའུ་སྟེ་བཅོ་ལྔ་པའོ།། །།

མཐའ་མའི་འདོན་ཐེངས་།: 28.05.2019 ཉིན། 12:08 PM