སྨན་རྩིས་དྲ་བ། - མདུན་ངོས།

རྗེས་ལོར་སྨན་རྩིས་སློབ་མ་གསར་བསྡུ་ཞུ་རྒྱུ་མིན།
བརྗོད་བྱ་སྤེལ་མཁན། རྩོམ་སྒྲིག་པ། (admin) ཟླ་ཚེས། 30.09.2019
མདུན་ངོས། >>

རྗེས་ལོར་སྨན་རྩིས་སློབ་མ་གསར་བསྡུ་ཞུ་རྒྱུ་མིན།

དྷ་ས་བོད་ཀྱི་སྨན་རྩིས་མཐོ་སློབ་ཁང་གིས་འདས་པའི་ལོ་མང་ནས་བོད་ཀྱི་སྲོལ་རྒྱུན་སྨན་རྩིས་རིག་པར་བསླབ་པ་ཐོས་བསམ་གནང་འདོད་ཡོད་པའི་དོན་གཉེར་ཅན་གྱི་སློབ་མ་གསར་པ་གྲངས་ངེས་ཅན་ཞིག་ལོ་ལྟར་གསར་བསྡུ་ཞུས་དང་ཞུ་མུས་ཡིན། འོན་ཀྱང་སྨན་རྩིས་མཐོ་སློབ་ཁང་འདི་བཞིན་ཕྱི་ལོ་ ༢༠༢༠ ནས་རྒྱ་གར་ལྷོ་ཕྱོགས་ཀརྞཊཀ་མངའ་སྡེ་སྦེལ་ལོར་གྲོང་ཁྱེར་དུ་ཆགས་པའི་ཏྰ་ལའི་བླ་མའི་མཐོ་སློབ་ཁང་དུ་གནས་སྤོ་ཞུ་རྒྱུ་ཡིན་སྟབས། རྗེས་ལོ་སྨན་རྩིས་གཉིས་ཀའི་སློབ་མ་གསར་བསྡུ་ཞུ་ཐབས་མེད་པར་བརྟེན། བོད་ཀྱི་སྨན་རྩིས་མཐོ་སློབ་སྡེ་ཚན་ནས་ཕྱི་ལོ་ ༢༠༢༠ ནང་སྨན་རྩིས་སློབ་མ་གསར་བསྡུ་ཞུ་རྒྱུ་མིན་སྐོར་དང་། དེ་བཞིན་འབྱུང་འགྱུར་ཕྱི་ལོ་ ༢༠༢༡ ནས་སྔར་རྒྱུན་བཞིན་གསལ་བསྒྲགས་ཇི་ལྟར་སྤེལ་རྒྱུར་མང་ཚོགས་ནས་ཐུགས་སྣང་ཡོང་བའི་རེ་འདུན་ཞུས་པའི་གསལ་བསྒྲགས་སྤེལ་བ་ཞིག་གཤམ་དུ་གཟིགས་པར་ཞུ།།