རྒྱུད་གསུམ་ངག་རྒྱུགས་ལེགས་གྲུབ་བྱུང་བ།

ཕྱི་ལོ་ ༢༠༢༡ ཟླ་ ༡༡ ཚེས་ ༡༧ རེས་གཟའ་ལྷག་དཀར་ཉིན་ནས་ཚེས་ ༢༠ བར་ཉིན་བཞིའི་རིང་སྨན་སློབ་བདུན་གྱིས་ལོ་ངོ་ལྔ་ཙམ་རིང་ཞོགས་སྔ་ལངས་དང་དགོང་ཕྱི་ཉལ་གྱིས་དཀའ་སྤྱད་འབད་བརྩོན་ལ་བརྟེན་ནས་འདི་ལོ་བོད་ཀྱི་གསོ་རིག་སྨན་གཞུང་རྒྱུད་གསུམ་ཆ་ཚང་རེ་གདན་ཐོག་གཅིག་ལ་ངག་རྒྱུགས་འབུལ་ཐུབ་པ་བྱུང་ཡོད།

དྷ་ས་སྨན་རྩིས་མཐོ་སློབ་ཁང་གི་སྐབས་ཉི་ཤུའི་སྨན་སློབ་རྣམས་ནས་ཕྱི་ལོ་ ༢༠༢༡ ཟླ་ ༡༠ ཚེས་ ༡༡ ནས་ཟླ་ ༡༡ ཚེས་ ༡༢ བར་ཟླ་གཅིག་ལྷག་ཙམ་རིང་གསོ་རིག་ཐོན་རྒྱུགས་ཆེན་མོའི་ཁོངས་ངག་རྒྱུགས་དང་། སྡོང་འགྲེམས། ཡིག་རྒྱུགས། བྱང་ཁོག་ཡུལ་ཐིག སྔོ་ཁྲོག་ངོས་འཛིན་བཅས་ལེགས་པར་གྲུབ་རྗེས།

ཕྱི་ལོ་ ༢༠༢༡ ཟླ་ ༡༡ ཚེས་ ༡༧ རེས་གཟའ་ལྷག་པ་རྒྱལ་བའི་ྋསྐུའི་ལྷག་དཀར་ཉིན་ནས་ཚེས་ ༢༠ བར་ཉིན་བཞིའི་རིང་སྨན་སློབ་འཆི་མེད་བདེ་འཛོམས་དང་། བསྟན་འཛིན་ཚེ་ལྷ། ཐུབ་བསྟན་དཔལ་ལྡན། རིན་ཆེན་ཆོས་འཛོམས། བདེ་ཆེན་སྒྲོལ་དཀར། བསྟན་འཛིན་མཆོག་ལྡན། བསྟན་འཛིན་རྣམ་གྲོལ་བཅས་བདུན་གྱིས་ལོ་ངོ་ལྔ་ཙམ་རིང་ཞོགས་སྔ་ལངས་དང་དགོང་ཕྱི་ཉལ་གྱིས་དཀའ་སྤྱད་འབད་བརྩོན་ཧུར་ཐག་བགྱིས་པར་བརྟེན། བོད་ཀྱི་གསོ་བ་རིག་པའི་མ་ཕྱིའམ་རྩ་བ་དཔལ་ལྡན་རྒྱུད་བཞི་ལས་རྩ་བའི་རྒྱུད་དང་། བཤད་པའི་རྒྱུད། ཕྱི་མ་རྒྱུད་བཅས་རྒྱུད་གསུམ་ཆ་ཚང་རེ་མཐོ་སློབ་འཕར་རྒྱུགས་སྒྲིག་གཞིའི་དགོངས་དོན་བཞིན་ཡིག་ཚད་ཚོགས་ཆུང་དང་། དགེ་སློབ་བཅས་རྒྱུགས་དཔང་ཚང་འཛོམས་ཐོག་བློ་འཛིན་རྒྱུགས་འབུལ་ལེགས་གྲུབ་བྱུང་ཡོད།

དེ་ནས་ཕྱི་ཚེས་ ༢༣ ནས་ ༢༦ བར་ཉིན་བཞིའི་རིང་ཕྱི་ནང་གི་སྨན་པ་བགྲེས་གྲས་ཁག་གདན་ཞུས་ཀྱིས་སློབ་མ་རྣམས་ལ་ལག་ལེན་དམར་ཁྲིད་ཐོག་ཟབ་སྦྱོང་འབུལ་རྗེས། འབྱུང་འགྱུར་ལོ་གཅིག་རིང་ས་གནས་ཡན་ལག་སྨན་ཁང་ཁག་ཏུ་ཉམས་གསོག་ལ་བསྐྱོད་རྒྱུ་ཡིན་པ་རེད།

མཐའ་མའི་འདོན་ཐེངས་།: 25.11.2021 ཉིན། 11:13 AM