རྒྱལ་སྤྱི་སྨན་སློབ་ཐེངས་ ༢ པ་གསར་བསྡུ་ཞུ་རྒྱུ།

བོད་ཀྱི་སྲོལ་རྒྱུན་གསོ་བ་རིག་པར་དོན་གཉེར་ཡོད་ཅིང་བསླབ་པ་ཐོས་བསམ་གནང་འདོད་ཡོད་པའི་རྒྱལ་སྤྱི་སློབ་གཉེར་བ་རྣམས་ལ་གཏམ་བཟང་གི་གནས་ཚུལ་དུ། སྨན་རྩིས་ཁང་ནས་སྤྱི་ལོ་ ༢༠༢༢ ནང་དུ་ཐེངས་གཉིས་པའམ་སྐབས་གཉིས་པའི་རྒྱལ་སྤྱིའི་སློབ་མར་སྨན་པ་བཀའ་བཅུ་པའི་སློབ་མཚན་སློབ་ཁྲིད་བྱ་རྒྱུ་ཐུགས་གཏན་ཁེལ་བར་བརྟེན། འདིར་སློབ་མའི་གྲངས་ཚད་དང་། ལོའི་ཚད་གཞི། ཡིག་རྒྱུགས། སྙན་ཞུའི་དུས་བཀག་སོགས་ཆ་རྐྱེན་སྐོར་གསལ་བསྒྲགས་སྤེལ་ཡོད་ན་དེ་དོན་ཐུགས་སྣང་ཡོང་བ་ཞུ།