ཝི་ཨེཊ་ནམ་ནས་ཕེབས་པའི་སྐུ་མགྲོན།
འདི་ལོའི་ཟླ་ ༩ ཚེས་ ༡༥ ཉིན་འགྲོ་ཕན་སྨན་རྩིས་ཁང་དུ་ཝི་ཨེཊ་ནམ་རྒྱལ་ཁབ་ནས་ཡིན་པའི་བོད་ཀྱི་སྨན་རྩིས་རིག་པར་དོ་སྣང་ཡོད་པའི་མི་སྣ་དྲུག་ཅུ་ཅན་གྱི་རུ་ཁག་གཅིག་ཆེད་ཕེབས་གནང་ཡོད། དེ་ཡང་ཚོགས་ཁག་འདིས་སྔོན་ཚུད་ནས་འཛིན་སྐྱོང་ལ་འབྲེལ་བ་ཞུས་ཏེ་བོད་ཀྱི་སྨན་རྩིས་རིག་པའི་སྐོར་གསུང་བཤད་ཡོང་བའི་རེ་སྐུལ་ཞུས་པ་བཞིན། འདི་ནས་སྨན་རམས་པ་བསོད་ནམས་དབང་མོ་ལགས་དང་། སྐར་རྩིས་པ་བསྟན་འཛིན་བློ་ལྡན་ལགས་རྣམ་གཉིས་ནས་སྨན་རྩིས་མཐོ་སློབ་ཚོགས་ཁང་དུ་བོད་ཀྱི་སྨན་རྩིས་རིག་པའི་སྐོར་ངོ་སྤྲོད་གཏམ་བཤད་ཅིག་གནང་ཡོད། དེ་རྗེས་གསོ་རིག་སྨན་པ་ཁག་གཅིག་ནས་བོད་སྨན་ལ་ཡིད་ཆེས་བློ་འཁེལ་ཡོད་པའི་ཚོགས་བཅར་བ་རྣམས་ལ་བོད་ལུགས་གསོ་བ་རིག་པའི་སྒོ་ནས་བརྟག་དཔྱད་སྨན་བཅོས་དང་ཟས་སྤྱོད་སློབ་སྟོན་ཡང་ཞུས་ཡོད།

འདི་གར་ཝི་ཨེཊ་ནམ་ནས་ཕེབས་པ་རྣམས་ཀྱིས་བོད་ཀྱི་གནའ་བོའི་སྨན་རྩིས་རིག་པ་བརྒྱུད་ནས་བོད་ཀྱི་རིག་གཞུང་ལ་དོ་སྣང་གནང་བར་འགྲོ་ཕན་སྨན་རྩིས་ཁང་ནས་ཡི་རངས་བསྔགས་བརྗོད་ཞུས་ཡོད།

མཐའ་མའི་འདོན་ཐེངས་།: 31.03.2023 ཉིན། 10:58 AM