༄༅། །མགོན་པོ་གང་གི་ྋསྐུ་ཕྱྭའི་ཆེད་དུ་ཞབས་རིམ་གསོག་སྒྲུབ་ཞུས།

༄༅། །ལྷར་བཅས་སྲིད་ཞིའི་གཙུག་རྒྱན། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག འཇིག་རྟེན་ཞི་བདེའི་དེད་དཔོན། འགྲོ་བ་ཡོངས་ཀྱི་མ་འདྲིས་པའི་མཛའ་བཤེས་ཆེན་པོ། བོད་ཀྱི་འདི་ཕྱིའི་བླ་ན་མེད་པའི་དབུ་ཁྲིད་སྤྱི་ནོར་ྋགོང་ས་ྋསྐྱབས་མགོན་ྋརྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་ཉེ་ལམ་ཨ་རིར་ཞབས་པུས་སྨན་བཅོས་ཆེད་ཆིབས་བསྒྱུར་བསྐྱངས་གནང་མཛད་པ་ལྟར། དེ་རིང་དངོས་སུ་སྨན་བཅོས་གནང་རྒྱུའི་དུས་སྐབས་དང་བསྟུན་འཛམ་གླིང་ས་ཕྱོགས་ཀུན་ལ་འཚོ་བཞུགས་དད་དམ་གཡོ་བ་མེད་པའི་བོད་རིགས་སྤྱི་མཚུངས་བཞིན། འདི་ག་འགྲོ་ཕན་བོད་ཀྱི་སྨན་རྩིས་ཁང་དབུས་ཀྱི་སྡེ་ཚན་དང་ཚན་པ་ཁག་གི་ལས་བྱེད་དང་ལས་མི། སྨན་རྩིས་མཐོ་སློབ་ཁང་གི་དགེ་ལས་སློབ་མ་བཅས་འགོ་ལས་ཡོད་དོ་ཅོག་ནས་དེ་རིང་ཕྱི་ལོ་ ༢༠༢༤ ཟླ་ ༦ ཚེས ༢༨ ཉིན་རྒྱབ་ཆུ་ཚོད་ ༢ པ་ནས་ ༥ བར་མཐོ་སློབ་ཚོགས་ཁང་དུ་ཚང་འཛོམས་ཀྱིས་གནས་ཆུང་ཆོས་རྒྱལ་ཆེན་པོའི་བཀའ་ལུང་བཞིན་དེ་བཞིན་གཤེགས་པ་སྨན་བླ་མཆེད་བརྒྱད་ཀྱི་རྟེན་མཆོག་སྤྱན་སྔར་སྣ་ལྔའི་མཆོད་སྤྲིན་འབུལ་གཤོམས་དང་སྦྲགས་སྨན་བླའི་མདོ་ཆོག་དང་ཏཱ་རའི་བསྟོད་པ་སོགས་མགོན་པོ་གང་ཉིད་ཀྱི་སྐུའི་འཕྲོད་བཞེས་སླད་དུ་ཞབས་རིམ་དང་གཟུངས་སྔགས་འགྲོ་གང་ཆེ་གནད་སྨིན་འབད་སྒྲུབ་ཞུས་ཡོད།།

མཐའ་མའི་འདོན་ཐེངས་།: 28.06.2024 ཉིན། 5:39 PM