༄༅།། དཔལ་དུས་ཀྱི་འཁོར་ལོའི་བླ་མའི་རྣལ་འབྱོར་སྟོང་གཟུགས་བདུད་རྩིའི་བུམ་བཟང་བཞུགས་སོ།།

༄༅།། ན་མོ་ཤྲི་ཀ་ལ་ཙཀྲ་ཡ། སྤྲུལ་པའི་ཆོས་རྒྱལ་རིགས་ལྡན་རྣམས་ཀྱི་ཞིང་།། བྱེ་བ་དགུ་བཅུ་རྩ་དྲུག་གྲོང་ཁྱེར་གནས།། གནས་ཆེན་གྲུབ་པའི་ཞིང་མཆོག་ཤམ་བྷ་ལར།། སྐྱེས་ཏེ་རིགས་ལྡན་ཞལ་བཟང་མངོན་གྱུར་ཤོག། སྐྱེས་པའི་སྲིད་པ་གཞན་གྱིས་མ་ཆོད་པར།། ངོ་མཚར་སྒྱུ་འཕྲུལ་བཀོད་པ་མཐའ་ཡས་པའི།། ཡུལ་དེར་སྐྱེས་ནས་སངས་རྒྱས་བསྟན་པའི་གནས།། རང་གིས་རྟོགས་ནས་གཞན་ལ་འདོམས་པར་ཤོག། གཉིས་མེད་རྒྱུད་རྣམས་ཀུན་གྱི་གཙོ་བོ་མཆོག། དཔལ་ལྡན་དུས་ཀྱི་འཁོར་ལོའི་རྒྱུད་དོན་ལ།། ཚུལ་བཞིན་ཉམས་སུ་བླངས་པའི་མོད་ཉིད་ལ།། ཚེ་གཅིག་ཉིད་ལ་སངས་རྒྱས་ཐོབ་པར་ཤོག།

          ཅེས་དཔལ་དུས་ཀྱི་འཁོར་ལོའི་བླ་མའི་རྣལ་འབྱོར་སྟོང་གཟུགས་བདུད་རྩིའི་བུམ་བཟང་ཞེས་བྱ་བ་འདི་ཉིད་སྒྲུབ་པ་ལ་གཞོལ་བའི་ལབ་བླ་མ་ཡེ་ཤེས་བསྟན་རྒྱན་གྱིས་བསྐུལ་བ་ལྟར་དཔལ་དུས་ཀྱི་འཁོར་ལོའི་རྣལ་འབྱོར་སྤྱོད་པ་ཤཱཀྱའི་དགེ་སློང་བློ་བཟང་དཔལ་ལྡན་ཡེ་ཤེས་ཀྱིས་སྦྱར་བའི་ཡི་གེ་པ་ནི་དགེ་ཚུལ་བློ་བཟང་ཆོས་འཕེལ་ལོ།། །།

མཐའ་མའི་འདོན་ཐེངས་།: 24.09.2021 ཉིན། 4:28 PM