དི་སོམ་ཐེབས་རྩའི་མཆེད་གྲོགས་བྱ་རིམ་སྤེལ།

རྒྱ་གར་གི་དི་སོམ་ཐེབས་རྩས་གོ་སྒྲིག་ཞུས་པའི་མཆེད་གྲོགས་ལས་རིམ་(Disom Foundation fellowship program)ནང་དུ་མཉམ་ཞུགས་གནང་མཁན་རྣམས་ད་ལན་འགྲོ་ཕན་སྨན་རྩིས་ཁང་དུ་ལྟ་སྐོར་ལ་ཕེབས་ཡོད། དེ་ཡང་ཁོང་རང་ཚོའི་མཛད་རིམ་གྱི་ཆ་ཤས་སུ་བཞུགས་སྒར་དྷ་སར་ཕེབས་ཏེ་བོད་ཀྱི་སྲིད་དོན་དང་། རིག་གཞུང་། ཆོས་ཕྱོགས་ཀྱི་རིན་ཐང་བཅས་ཤེས་རྟོགས་སླད་ཕེབས་པ་ཞིག་ཡིན། ལྷག་པར་བོད་ཀྱི་རྩ་ཆེའི་རིག་གཞུང་གི་ཆ་ཤས་གལ་ཆེན་ཞིག་ཡིན་པའི་སྲོལ་རྒྱུན་བོད་ཀྱི་གསོ་བ་རིག་པ་དང་། སྐར་དཔྱད་རྩིས་རིག་གཉིས་ཀྱི་སྤྱིའི་ཤེས་བྱའི་ཐོག་ལ་འགྲོ་ཕན་སྨན་རྩིས་ཁང་གི་སྨན་པ་བསྟན་འཛིན་དཔལ་སྒྲོན་ལགས་དང་། སྐར་རྩིས་པ་བསྟན་འཛིན་བློ་ལྡན་ལགས་གཉིས་ནས་ངོ་སྤྲོད་གཏམ་བཤད་གནང་བ་དང་། དེ་ནས་ཚོགས་བཅར་བ་རྣམས་སྨན་རྩིས་ཁང་གི་འགྲེམ་སྟོན་ཁང་དུ་ཕེབས་ནས་ལས་བྱེད་སྐལ་བཟང་ཆོས་སྒྲོན་ལགས་ཀྱིས་སྣེ་ཁྲིད་དེ་དངོས་རྫས་རྣམས་ལ་གསལ་བཤད་ཞུས་ཡོད།

འགྲོ་ཕན་སྨན་རྩིས་ཁང་ནས་འདི་གར་ཕེབས་པའི་ཚོགས་བཅར་བ་ཡོངས་ལ་མ་འོངས་འགོ་ཁྲིད་བཟང་པོར་འགྱུར་བར་ཁོང་ཚོས་འབད་བརྩོན་གང་བྱས་པ་ལམ་ལྷོང་ཡོང་བའི་སྨོན་འདུན་ཞུས་ཡོད།

མཐའ་མའི་འདོན་ཐེངས་།: 31.03.2023 ཉིན། 10:55 AM