ཐོན་ཟོག་ཁྲལ་འབབ་སྡེ་ཚན་གྱིས་ཆེ་བསྟོད་གནང་།

རྩིས་ལོ་ ༢༠༢༢ - ༢༠༢༣ ནང་ཧིམཱཅལ་མངའ་སྡེའི་ཀང་ར་རྫོང་ཁོངས་སུ་འགྲོ་ཕན་བོད་ཀྱི་སྨན་རྩིས་ཁང་དེ་བཞིན་རྒྱ་གར་གཞུང་ལ་ཁྲལ་འཇལ་སྤྲོད་བྱེད་མཁན་ཁྲལ་པ་མཐོ་ཤོས་གྲས་སུ་ཡིན་པའི་ངོས་འཛིན་གྱིས་འབྲེལ་ཡོད་ཐོན་ཟོག་ཁྲལ་འབབ་ལས་ཁུངས་ནས་ཆེ་བརྗོད་ཀྱི་ཡི་གེ་ཞིག་འབྱོར་ཡོད།

ཆེ་བརྗོད་ཡི་གེ་དེའི་ནང་དུ་ཐོན་ཟོལ་ཁྲལ་འབབ་ལས་ཁུངས་ཀྱི་འགན་འཛིན་གཞོན་པའི་མཚན་ཐོག་ནས་གསུངས་དོན། འདས་པའི་རྩིས་ལོ་ ༢༠༢༢ - ༢༠༢༣ ནང་འགྲོ་ཕན་བོད་ཀྱི་སྨན་རྩིས་ཁང་དེ་བཞིན་ཧིམཱཅལ་མངའ་སྡེའི་ཀང་ར་རྫོང་ཁོངས་ནང་གི་ཁྲལ་པ་མཐོ་ཤོས་གྲས་སུ་ཡིན་པ་དགའ་སྤྲོ་ལྡན་པའི་སྒོ་ནས་བརྡ་ལེན་སྤྲོད་བཞིན་ཡོད་པ་དང་། ལས་ཁུངས་འདི་ནས་ཁྱེད་ཀྱི་ཁེ་ལས་དང་། རྗེས་སུ་སྐྱོང་བ། ཡིད་ཆེས། རྩོལ་བ་བཟང་པོར་སྙིང་ཐག་པ་ནས་ལེགས་གསོལ་ཞུ་རྒྱུ་དང་། འབྱུང་འགྱུར་དུའང་གཞུང་གི་ཁྲལ་འབབ་ཐད་ལ་ཁྱེད་ཀྱི་ངོས་ནས་རྩ་ཆེའི་བསྡུ་ཆ་སྤྲད་རྒྱུར་རེ་བ་གཙང་མ་ཡོད་ཅེས་འཁོད་ཡོད།

མཐའ་མའི་འདོན་ཐེངས་།: 22.03.2024 ཉིན། 12:20 PM