གསར་འགོད་གསལ་བསྒྲགས། 

སྤྱི་ལོ་ ༢༠༢༠ ཟླ་ ༢ ཚེས་ ༡༡ སྔ་དྲོ་ཆུ་ཚོད་༡༠།༤༥ ཐོག་དྷ་ས་དབུས་སྨན་རྩིས་ཚོགས་ཁང་དུ་རྒྱ་གར་གྱི་བྱང་ཤར་མ་ནི་པུར་རྒྱལ་སྤྱིའི་གཙུག་ལག་སློབ་གཉེར་ཁང་(Manipur international Univesity) རིགས་བདག་སྐུ་ཞབས་ཧ་རི་ཀུ་མར་པཱ་ལ་ཐ་ཊཀཱ(Harikumar Pallathdka)མཆོག་དང་དབུས་སྨན་རྩིས་ཁང་གི་འགན་འཛིན་ཕུ་རི་ཚེ་རིང་བཀྲ་ཤིས་རྣམ་གཉིས་ནས་མ་ནི་པུར་རྒྱལ་སྤྱིའི་གཙུག་ལག་སློབ་གཉེར་ཁང་དང་སྨན་རྩིས་ཁང་གཉིས་མཉམ་འབྲེལ་ཐོག་མ་ནི་པུར་རྒྱལ་སྤྱིའི་སློབ་གཉེར་ཁང་དུ་གསོ་རྩིས་རིག་པའི་སློབ་གཉེར་ཚན་པ་ཞིག་གསར་འཛུགས་གནང་རྒྱུའི་ཐོག་ལོ་རྒྱུས་རང་བཞིན་ལྡན་པའི་མོས་མཐུན་གན་ཡིག་(MOU)ཞིག་འཇོག་གནང་སོང་། དེ་ཡང་མཉམ་ལས་ཀྱི་ལས་གཞི་འདིའི་ཐོག་MIU་ནས་དཔལ་འབྱོར་གྱི་མཐུན་འགྱུར་དང་སྨན་རྩིས་ཁང་ནས་ཆེད་ལས་མི་སྣ་སོགས་མིའི་ནུས་ཤུགས་ཀྱི་མཐུན་འགྱུར་སྦྱོར་རྒྱུའི་ཐག་གཅོད་བྱུང་འདུག

ད་ལྟའི་ཆར་མ་ནི་པུར་གཙུག་ལག་སློབ་གཉེར་ཁང་ནས་སྨན་རྩིས་སློབ་གཉེར་ཚན་པའི་ཆེད་ས་ཁྱོན་ཨེ་ཀར ༢༥༠༠ ཙམ་ཞིག་མཐུན་འགྱུར་གནང་ཡོད་པ་དང་། སྨན་རྩིས་ཁང་ནས་MIU གཙུག་ལག་སློབ་གཉེར་ཁང་ནང་ཡན་ལག་སྨན་ཁང་ཞིག་ཕྱི་ཟླ་ ༣ ཚེས་ ༡ ནས་འགོ་བཙུགས་གནང་རྒྱུ་མ་ཟད། དེའི་ཆེད་དེ་གའི་ཡུལ་མི་གཉིས་ལ་སྨན་སྤྲོད་དམ་སྨན་ཞབས་ཀྱི་སྦྱོང་བརྡར་གནང་རྒྱུ་ཡིན་འདུག་པ་དང་། དངོས་གཞི་ལས་གཞི་གང་མྱུར་དབུ་བཙུགས་གནང་རྒྱུའི་སྐོར་གསར་འགོད་གསལ་བསྒྲགས་ཤིག་སྤེལ་སོང་།

མཐའ་མའི་འདོན་ཐེངས་།: 13.02.2020 ཉིན། 4:53 PM