༄༅།། གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ལས་ས་སྙིང་སྒྲུབ་ཐབས་བཞུགས་སོ།།

ནམ། གུ་རུ་ངྷེ་ཝ་ཌཱ་ཀྐི་ཧཱུྃ༔ ས་ཡི་སྙིང་པོའི་སྒྲུབ་ཐབས་ནི༔ དཀྱིལ་འཁོར་མེད་ཅིང་སྟ་གོན་མེད༔ རང་ཉིད་ས་སྙིང་སྐུ་མདོག་དཀར༔ བྱང་ཆུབ་སེམས་པའི་ཆ་བྱད་ཅན༔ གཡས་པས་མྱུ་གུ་གཡོན་དྲིལ་བུ༔ ཞབས་གཉིས་ཕྱེད་པའི་སྐྱིལ་མོས་བཞུགས༔ མདུན་དུ་ས་ཡི་ལྷ་མོ་ནི༔ སྐུ་མདོག་སེར་མོ་སྐུ་སྟོད་མངོན༔ ཕྱག་གཉིས་ནོར་བུ་བུམ་པ་འཛིན༔ བྱང་ཆུབ་སེམས་དཔའི་ཆ་བྱད་ཅན༔ དེ་ལྟར་བསྐྱེད་ནས་སྔགས་འདི་གཉིས་གང་འདོད་བཟླས་པས་ཆོག༔ ཨོྃ་ཀྵིཾ་ཧི་ར་ཙ་པྲི་ཐི་དེ་ཝི་སྭཱ་ཧཱ༔ ཨོྃ་ཀྵིཾ་ཧི་ར་ཙ་ཡེ་པྲི་ཐི་དེ་ཝི་སྭཱ་ཧཱ༔ ས་མ་ཡ་རྒྱ་རྒྱ་རྒྱ༔ དེ་ནས་འདི་ཡི་ལས་ཚོགས་ནི༔  དང་པོ་བཙའ་སྲུང་གདམས་པ་ནི༔ སྔགས་འདི་བཟླས་པ་ཁོ་ནས་ཆོག༔         ཨོཾ་ཀྵིཾ་ཧི་ར་ཙ་པྲི་ཐི་དེ་ཝི་ཨ་ཏི་ནི་ཡེ་སྭཱ་ཧཱ། ས་མ་ཡ་རྒྱ་རྒྱ་རྒྱ༔ དེ་ནས་ཚག་པའི་ཁ་ཆིངས་ནི་སྔགས་འདི་བྱེ་མར་རབ་སྔགས་ཏེ༔ ཞིང་ལ་གཏོར་བས་ཐུབ་ངེས་སོ༔ ཨོྃ་ཀྵིཾ་ཧེ་ར་ཙ་པྲི་དན་ཏཏྱཐཱ་ཡེ་སྭཱ་ཧཱ༔ འབུ་སྲིན་སྲུང་བ་ནི། སྔགས་འདི་ཆུ་ལ་རབ་བསྔགས་ཏེཿ ཨོྃ་ཀྵི་ཧི་ར་ཙ་པྲི་ཐི་དེ་ཝི་ཨ་ངོ་ནག་པོ་འབུ་སྲིན་ཁ་ཆིངས༔        ས་མ་ཡ༔ རྒྱ་རྒྱ་རྒྱ༔ ཁ་ཐཾ༔    སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་བྱ་ལོ་སྣྲོན་ཟླ་བའི་ཉེར་གསུམ་ལ༔ བྱང་ཆུབ་སེམས་དཔའ་སའི་སྙིང་པོས་ལུང་དངོས་སུ་གསུངས་སོ༔ བཙའ་སྲུང་སྔགས་འདི་ཆུའི་བྱེ་མ་ལ་བསྔགས༔ ཞིང་ལ་གཏོར་བས་ཐུབ་བོ༔ ཨོྃ་མ་རི་རྷ་ཀ་ཁྱུང་ཡ་ཧཱུྃ་ཧཱུྃ་ཕཊ༔            ས་མ་ཡ༔ རྒྱ་རྒྱ་རྒྱ༔ ཅེས་སྤྲུལ་སྐུ་མི་འགྱུར་རྡོ་རྗེ་ལ༔ རྡོ་རྗེ་གྲོ་ལོད་ཀྱིས་དངོས་སུ་གསུངས༔ ཤིང་རི་ས་ལ་བསྔགས་ཐུབ་པ་ཐེ་ཚོམ་མེད༔ ས་མ་ཡ༔ རྒྱ་རྒྱ་རྒྱ༔

༄༅།། ན་མོ་བཛྲ་པཱ་ཎི་ཡེ། ས་བདག་དབང་ཆེན་མཆོད་སྒྲུབ་སྔོན།། ས་སྲིན་བཀར་ཐབས་བསྡུས་པ་ནི།། ལྕོག་སྟེགས་ཆངས་བུ་ཏིང་ལོ་བཤམས། ཨཱཿ  སྟོང་པའི་ངང་ལས་རང་སེམས་ཡི་གེ་ཁྲྃ༔ དེ་ལས་རྡོ་རྗེ་ཁྱུང་ཆེན་སྐུ་མདོག་དཀར།། གསེར་གྱི་མིག་ཅན་རྭ་དང་མཆུ་སྡེར་ལྕགས།       །རལ་གྲིའི་གཤོག་པ་ཆུ་གྲིས་སྐེད་པ་ཅན།། ཡེ་ནས་དམ་ཡེ་དབྱེར་མེད་ཉིད་དུ་གསལ།། བཀའ་དང་དམ་ལ་མི་གནས་གདུག་པ་ཅན།། ནག་པོའི་ཕྱོགས་གྱུར་ཀླུ་སྲིན་གདུག་པ་ཅན།། བྲག་སྲིན་ལ་སོགས་ས་བདག་མཆོད་སྒྲུབ་ལ།། གནོད་བྱེད་སྒབ་འདྲེ་ཐམས་ཅད་འདིར་འདུས་ཤིག། ཏྲི་ཛཿཧཱུྃ་བྃ་ཧོ༔ འོ་དི་ཤན་དང་རོལ་མཚོའི་བྲག་ནག་ལ།། གནས་པའི་ས་སྲིན་སྒབ་འདྲེ་སྦྲུལ་མཇུག་ཅན།། བུ་ནི་བྲག་སྲིན་སྐྱིན་ལུས་སྦྲུལ་མཇུག་ཅན།། དེ་ཡི་མཇུག་མ་བྲག་དང་ཆུ་ཤིང་ས།། མེ་ལ་བརྡབ་པས་སོ་སོའི་སྲིན་བུ་བྱུང་།། ཀླུ་སྲིན་ས་སྲིན་བྲག་སྲིན་འཁོར་བཅས་ལ།། མཐུན་རྫས་གཏོར་མ་ཆངས་བུ་ཏིང་ལོ་སྦྱིན།། འདི་རུ་མ་འདུག་མྱུར་བར་གཞན་དུ་དེངས།། ག་རུ་ཌ་གནོད་བྱེད་ཨུད་ཙྪ་ཏ་ཡ་ཕཊཿ བྲག་ནག་གམ་ཤིང་གི་རྩ་བར་བསྐྱལ།། མཚམས་བཅད་སྲུང་འཁོར་བསྒོམ་པར་བྱའོ།། ཞེས་རཱ་ག་ཨ་སྱས་སོ།། 

མཐའ་མའི་འདོན་ཐེངས་།: 04.07.2024 ཉིན། 2:33 PM