༄༅། །ནམོ་བཛྲ་པཱཎིཡེ། མན་ངག་འདིའི་བརྒྱུད་པའི་ལོ་རྒྱུས་ནི། རྗེ་རིན་པོ་ཆེའི་ཟའ་(གཟའ་)བཟང་བ་དེ་ཉིད་དུས་ཀྱི་ཚེ་རོང་ཁ་ཕྱོགས་ཀྱི་རི་ཁྲོད་གཅིག་ན་སྒྲུབ་པ་དམ་པོ་མཛད་ཅིང་བཞུགས་པའི་དུས་ན། མི་དཀར་པོ་ལག་ན་ཤེལ་ཕྲེང་དང་མཁར་བ་འཁྱེར་བ་གཅིག་མདུན་གྱི་ནམ་མཁའི་བར་སྣང་ལ་ཕར་འགྲོ་ཚུར་འགྲོ་བྱེད་པ་མངོན་སུམ་དུ་གཟིགས་ཏེ།

འབྱུང་པོའི་གདོན་ནད་ལྔའི་ནང་གི་གཟའ་གདོན་ནད་ཀྱི་སྐོར་ཅུང་ཞིག་གླེང་བར་འདོད་ན། དགེ་སྐྱོན་ཇི་ལྟར་མཆིས་ཀྱང་དགོངས་འཆར་གནང་རྒྱུའི་རེ་བ་ཡོད། དེ་ཡང་གཟའ་གདོན་ནམ་གྲིབ་སྐྱོན་ནད་གཞིར་ས་བཅད་རྣམ་པ་དྲུག་གི་སྒོ་ནས་འཆད་པར་འདོད་དོ།།

ནད་ངོས་བཟུང་བར་རྟགས་ཀྱི་གནད་ལ་བསླབ་པར་བྱ་དགོས་ཏེ། ཅིའི་ཕྱིར་ཞེ་ན། ནད་གཞི་དང་ནད་རྟགས་བར་གྱི་འབྲེལ་བ་ནི་མེ་དང་དུ་བའི་འབྲེལ་བ་སྟེ། དུ་བ་བརྒྱུད་ནས་མེ་ཡོད་པ་ངོས་ཟིན་པ་ཇི་བཞིན་དུ་ནད་རྟགས་ཀྱི་སྣང་ཚུལ་བརྒྱུད་ནས་ནད་ཀྱི་ངོ་བོ་ངོས་ཟིན་པ་བྱེད་དགོས་པ་དེ་ཡིན་མོད། འོན་ཀྱང་དེ་ལྟ་བུའི་བརྟག་ཐབས་མི་ཤེས་པའི་སྨན་པ་རྣམས་ཀྱིས་ནི་ནད་རང་རང་གིས་གསལ་བར་བསྟན་པའི་རྟགས་འཁྲུལ་པ་མེད་པ་ཉིད་ཀྱང་དེ་དང་དེའི་རྟགས་ཉིད་ཡིན་པར་མི་ཤེས་ཏེ། དཔེར་ན་མེ་འདོད་པའི་སྐྱེ་བོ་འགའ་ཞིག་གིས་དུ་བ་མཐོང་དུ་ཟིན་

ཇི་སྐད་བཤད་པའི་བརྟག་དཔྱད་ངོས་འཛིན་བྱེད་པའི་ཚུལ་དེ་རྣམས་ཀྱིས་ནད་རིགས་སྤྱི་བྱེ་བྲག་དང་བཅས་པ་མ་འདྲེས་ཤིང་སོ་སོར་རྟོགས་པའི་རྗེས་ད་ནི་ནད་དེ་རྣམས་ཇི་ལྟར་གསོ་ཞིང་བཅོས་པའི་ཐབས་ཚུལ་ཤེས་པར་བྱ་བའི་ཕྱིར་དུ་གསོ་བར་བྱེད་པའི་ཐབས་ཀྱི་གནས་འདི་ཉིད་བསྟན་པར་བྱ་བ་ཡིན་ཅིང་། དེ་ལ་ཡང་ནང་ཚེགས་ཀྱི་དབྱེ་བས་གསོ་བའི་ཚུལ་ཇི་ལྟར་བྱ་བ་དང་། གཉེན་པོ་གང་གིས་གསོ་བའི་ཐབས་དངོས་བཤད་པ་སྟེ་རྣམ་པ་གཉིས་སུ་ངེས་པ་ཡིན་ནོ། །གསོ་ཚུལ། ནད་འཇོམས་ཤིང་ཟུངས་གསོ་བའི་ཐབས་ཀྱི་རྣམ་གྲངས་