བུད་མེད་རྣམས་ལ་སྒྲོལ་བསྟོད་དང་། །སྐྱེས་པ་དར་མར་རྣམ་རྒྱལ་མའི། །གཟུངས་དང་རྒན་པོར་བརྒྱད་སྟོང་པ། །རྒན་མོར་བགྲེས་ཞུས་མི་དཔོན་ལ། །རྒྱལ་པོ་མདོ་ལྔ་གཙོ་བོ་རྣམས། །བློ་གྲོས་བཟང་མོས་ཞུས་མདོ་དང་། །འཇམ་དཔལ་མཚན་བརྗོད་བཅས་པ་འདོན། །ཕོ་མོ་ཁྱད་མེད་དུར་མིག་ཏུ། །ཚུད་པ་ཆུ་སྦྲུལ་ལོ་གྲངས ༩།༦༩ ཡིས། །དགྲ་བཟློག་དུར་སྲིའི་མནན་པ་བྱ། །ས་སྦྲུལ་ལོ་གྲངས་ ༣༣།༩༣ འདུས་སྡེ་ལ། །བསྙེན་བཀུར་གཏོ་གླུད་གཏོང་བ་དང་། །ཤིང་སྦྲུལ་༥༧ དམ་སྲི་མི་ཁ་མནན། ལྕགས་སྦྲུལ་ ༢༡།༡༨ རང་དུར་ཆེ་ལ་བབས། །བདུད་ཀྱི་ཁྲམ་ཁ་སྟོང་བཟློག་བྱ། །མེ་སྦྲུལ་ ༤༥ གཤེད་དུར་ཆེར་བབས་པས། །གསེར་འོད་འདོན་ཞིང་ཆབ་གཏོར་གཏོང་། །གཞན་ཡང་ལྕགས་ཕག ༥༡ རང་དུར་ཆུང་། །མེ་ཕག ༡༥།༧༥ གཤེད་དུར་ཆུང་བབས་པས། །རྟེན་ལ་མཆོད་འབུལ་ངན་སྤྲང་ལ། །སྦྱིན་དང་སྲོག་བསླུ་བཅས་པས་བརྩོན། །དེ་བཞིན་དུར་ཚུད་གཞན་རྣམས་དང་། །ངན་ཀེག་བབས་རིགས་ཐམས་ཅད་ཀྱིས། །རང་རང་འཁོས་བསྟུན་རྣམ་དཀར་ལ། །འབད་པ་ཤིན་ཏུ་གལ་ཆེའོ།། སླར། །མི་ལུས་རིན་ཆེན་ལན་གཅིག་ཐོབ་པ་འདིར། །མི་མཐུན་ངན་ཀེག་མཚན་མ་ལས་གྲོལ་ཕྱིར། །མི་བསླུའི་བཟློག་རིམ་གསལ་བར་བསྟན་འདིའི་དགེས། །མི་ཞིག་རྡོ་རྗེའི་ངོ་བོར་བརྟན་གྱུར་ཅིག

                                                        དགུང་འདིར་གནམ་གཤིས་འགྱུར་ལྡོག་དང་། རང་འབྱུང་གནོད་འཚེའི་སྐོར།

༈ བརྩེ་ཆེན་ཟླ་མཛེས་རལ་པར་མཛེས་བརྒྱན་ཡང་། ཁྲོས་པའི་སྡང་མིག་མིག་གིས་བདུད་སྡེ་བསྲེགས། མི་སྨྲའི་བཏུལ་ཞུགས་བཞུགས་ཀྱང་ལྷས་མཆོད་མར། །གསང་ཚིག་གསང་བའི་མདུད་བརྒྱ་བཀྲོལ་དེར་བསྔགས། །ཕྲ་ཞིབ་གསལ་བའི་འབུམ་ཕྲག་གཟུགས་བརྙན་ཀུན། །འཆར་བཟོད་གཡུལ་ལས་རྣམ་པར་རྒྱལ་བ་ཡི། །རྒྱུད་རྒྱལ་དྲི་མེད་ཡངས་པའི་བཞིན་སྣོད་ངོས། །ཤར་བའི་དགུང་འདིའི་བདེ་དོག་འཆད་ལ་སྤྲོ།  །ས་ཚིགས་འགྱུར་མེད་ཡུལ་དབུས་རྡོ་རྗེ་གདན། །ཆོས་ཚིགས་དབུས་གྱུར་ཐེག་ཆེན་ཆོས་གླིང་ཆེ། །དབུས་སུ་བཟུང་ནས་ཕྱོགས་དང་ཕྱོགས་མཚམས་ཀྱི། །རྒྱལ་ཁམས་བདེ་སྡུག་བསྟན་ལ་ཐོག་མ་རུ། །དབུས་ཕྱོགས་བོད་ཟླ་གསུམ་པའི་གཅིག་ནས་བཟུང་། །ཉེར་དྲུག་དམར་པོ་རཱ་ཧུས་རྒྱལ་པོ་དང་། །ཡུལ་འབངས་འཐབ་རྩོད་འཁྲུག་པའི་ངོ་། །བཞི་པའི་གཅིག་ནས་སུམ་ཅུའི་བར་དུ་ནི། །ལྷག་སངས་ལྷན་གནས་རྒྱལ་པོ་བདེ་བར་བྱེད། ༈ ཤར་ཕྱོགས་བཞི་པའི་གཅིག་ནས་ལྔ་པ་ཡི། །སུམ་ཅུའི་བར་དུ་དམར་སངས་ལྷན་གནས་པས། །འཐབ་རྩོད་བདེ་སྡུག་འདྲེས་མར་སྤྱོད་པ་ཡིན། །ལྔ་པའི་ཉེར་ལྔ་ནས་བུང་བདུན་པ་ཡི། །བརྒྱད་བར་ཉི་ལྷག་སངས་གསུམ་ལྷན་སྤྱོད་པས། །ཆར་ཆུ་བཏང་སྙོམས་དུ་ནི་བབས་པར་བཤད། ། ༈ ཤར་ལྷོ་དྲུག་པའི་བརྒྱད་ནས་བདུན་པ་ཡི། །བཅོ་ལྔ་ཉི་ལྷག་དམར་སངས་ལྷན་གཅིག་ཏུ། །འཛོམས་པས་བདེ་དོག་བཏང་སྙོམས་ཚུལ་གནས་འགྱུར། །རིམ་བཞིན་བརྒྱད་པའི་བརྒྱད་ཀྱི་བར་དུ་ནི། །ཉི་དམར་ལྷན་གནས་ཐན་དང་འཐབ་རྩོད་ངོ། ༈ ལྷོ་ཕྱོགས་བརྒྱད་པའི་བརྒྱད་ནས་དགུ་པ་ནི། །ཕྱི་མའི་བརྒྱད་བར་ཉི་མིག་ལྷག་པ་གསུམ། །གནས་འགྱུར་ལོ་ཏོག་བཟང་ཡང་འཐབ་རྩོད་འབྱུང་། ། ༈ ལྷོ་ནུབ་དགུ་པ་ཕྱི་མའི་ཚེས་བརྒྱད་ནས། །འགོ་བཟུང་བཅུ་པའི་ལྔ་བར་ཉི་མ་དང་། །ལྷག་པ་དམར་པོ་་མཇུག་བཅས་འཛོམས་གྱུར་པས། །ཐན་པ་དང་ནི་འཐབ་རྩོད་ཆེ་བའི་ངོ་། ། ༈ ནུབ་ཕྱོགས་དགུ་པ་སྔ་མའི་ཉེར་ལྔ་ནས། །བཅུ་པའི་སྟོང་བར་ལྷག་སངས་ལྷན་སྤྱོད་པས། །རྒྱལ་པོ་ཡུལ་བཅས་བདེ་ཞིང་ལོ་ཏོག་བཟང་། །འོན་ཀྱང་བཅུ་གཅིག་ཚེས་ཤར་བས་བཟུང་སྟེ། །ཉི་མིག་སངས་མཉམ་འཛོམས་དེས་ཐན་པ་དང་། །འཐབ་རྩོད་དག་གི་ངོ་ཅུང་སྣང་བར་འགྱུར། ། ༈ནུབ་བྱང་ལོ་ནི་ཧྲིལ་པོར་སྤེན་པ་གནས། །ས་གཡོ་མུ་གེ་སོགས་ཀྱི་ངོ་ཆེ་ཡང་། །བཅུ་གཅིག་ཚེས་ཤར་ནས་བཟུང་དང་པོ་ཡི། །ཉ་བར་ལྷག་སངས་དུས་དེས་མཉམ་སྤྱོད་པས། །ལོ་ཅུང་ལེགས་ཤིང་བདེ་བའང་ཅུང་ཞིག་འཕེལ། །  ༈ བྱང་ཕྱོགས་ལོ་ཧྲིལ་ཕུར་བུས་རྒྱལ་པོ་དང་། །ཡུལ་བཅས་བདེ་བར་འཁོད་ཀྱང་དང་པོ་ཡི། །གཉིས་ནས་གཉིས་པའི་བཅུ་གཅིག་ཉི་ལྷག་སངས། །ལྷ་སྤྱོད་ལོ་ཏོག་ས་རུ་ཆར་དང་ནི་། །ཐན་པ་ལ་སོགས་འབྲས་བུ་འདྲེས་མར་སྤྱོད། །བྱང་ཤར་གསུམ་པའི་གཅིག་ནས་སུམ་བཅུའི་བར། །ལྷག་སངས་གནས་པས་ལོ་ལེགས་འོང་བ་ཡིན། །

                                                                                 གནམ་གཤིས་སྔོན་བརྡ།

དགུང་འདིར་གནམ་གཤིས་སྔོན་དཔག་ལས་གཟའ་རྣམས་ཕལ་ཆེ་བ་ཆུ་ས་ཆུ་མེ་གསུམ་གྱི་སྐར་མར་སྤྱོད་པ་ཤས་ཆེ་བས། ཁ་ཆར་དང་ཐན་རེས་མོས་འོང་ཞིང་ཆར་རླུང་སྦྲགས་མའམ་ཁ་ཆར་འབྲིང་། ། (བྱེ་བྲག་བབས་ཚེས་ཟླ་བ་སོ་སོའི་ཚེས་ཁོངས་སུ་གསལ།)

                                                                སརྦ་མངྒ་ལཾ། །