 |
|
|
|
སྲན་རིལ།
 མིང་གཞན། मटर Pea 豌豆
སྐྱེ་དབྱིབས། འདི་ནི་ཞིང་སྐྱེས་འབྲུའི་སྡེ་སྲན་མའི་རིགས་ཤིག་སྟེ། སྡོང་རྐང་ལྗང་དཀར་ཁོང་སྟོང་ལ་ཡལ་ག་ཅན་སྐྱེ་དངོས་གཞན་ལ་འཁྲིལ་ནས་སྐྱེ་ཞིང༌། ལོ་མ་སྔོ་ལྗང་ཆུང་བ་གཉིས་རེ་སྦྲེལ་ཏེ་ཁ་སྤྲོད་ཚུལ་དུ་སྐྱེ་བ། མེ་ཏོག་དཀར་པོའམ་མུ་མེན་ཕྱེ་མ་ལེབ་ཀྱི་དབྱིབས་ཅན་འཆར་བ། གང་བུ་ལྗང་མདོག་གཟུགས་ནར་མོའི་ནང་དུ་འབྲས་བུའམ་འབྲུ་གུ་ལྗང་ནག་རིལ་མོ་ ༥ ནས་ ༡༠ བར་འདོགས་པ་ཞིག་ཡིན། ཡུལ་གང་སར་འདེབས་འཛུགས་བྱེད་ཀྱི་ཡོད་པས་ཤེས་སླ། བེད་སྤྱོད། གང་བུ་སོས་པ་རྗེན་པར་རམ་ཡང་ན་བཙོས་ཏེ་ཕྱི་པགས་དང་ནང་འབྲུ་གཉིས་ཀ་ཟ་ཆོག་ལ། འབྲས་བུའམ་ནང་འབྲུ་སོས་པ་ཚལ་རིགས་གཞན་མཉམ་བཙོ་བའམ་བརྔོ་གཡོ་བྱེད་པ། ཡང་ན་འབྲས་བུ་སྐམ་པོ་བརྔོས་ཏེ་ཟ་བའམ་བཙོ་སྐོལ་བྱས་ཏེ་སྲན་ཐུག་གམ་ལྡ་ལི་བཟོ་བ་དང༌། ཞིབ་འཐག་ཕྱེ་མས་ཟན་ཉོག་བཟོ་རུང་བ་མ་ཟད། གསར་སྐྱེས་ལོ་སྡོང་ལྗང་པ་ཡང་ཚོད་མར་བེད་སྤྱོད་བྱེད་ཆོག
རོ་དང་ངོ་བོ། རོ་མངར། ངོ་བོ་བསིལ།
ཕན་ནུས། འབྲས་བུས་དུག་རིགས་བྱེར་བ་གཅིག་ཏུ་སྡུད། མཁྲིས་པ་སེལ། རྨ་དང་འབྲུམ་ནད་ལ་ཕན། ལོ་སྡོང་གི་ཚོད་མས་མ་ཞུ་བ་འཇུ་བར་བྱེད། དང་ག་འབྱེད། ལུས་ཀྱི་སྣུམ་པའི་ཆ་རྣམས་ཕྱིར་འདོན་པ་དང་ལྦ་བ་བཅས་ལ་ཕན། སྲན་མའི་མེ་ཏོག་གིས་ཁྲག་ཤོར་བ་གཅོད་ཅིང༌། མཁལ་ནད་ལ་ཕན།
དོ་སྣང༌། བད་རླུང་དང་གྲང་བའི་རིགས་ལ་གནོད།
|
སྨན་རྩིས་དྲ་བ། - སྲན་རིལ།
ནང་གསེས་དཀར་ཆག
ཡིག་ཆ་གསར་ཤོས།
དཔེ་མཛོད་དོ་དམ་པའི་ས་མིག་གསལ་བསྒྲགས།
དུས་འཁོར་འགྲེལ་ཆེན་དྲི་མེད་འོད་ཀྱི་རྒྱན་ལས་སེམས་ཀྱི་འཇིག་རྟེན་བཤད་པ།
གཞུང་འབྲེལ་མཆོད་འབུལ་སྨོན་ལམ་ཚོགས་པ།
བལ་ཡུལ་དུ་སྨན་རྩིས་ལས་སྣེ་ས་མིག
ཧོར་གྱི་མེ་བཙའི་འབྱུང་ཁུངས་ལ་དཔྱད་པ།
སྤྱི་ཁྱབ་འགན་འཛིན་གྱི་བོད་དྲུང་ས་མིག་གསལ་བསྒྲགས།
སྨན་རྩིས་ལས་སྣེ་བདུན་གྱི་ས་མིག་གསལ་བསྒྲགས།
མེ་རི་ཊིའི་གཙུག་ལག་སློབ་ཡོན་གྱི་ལས་གཞི་ལོ་བཅུ་འཁོར་བའི་མཛད་སྒོར་བཅར།
སྨན་རྩིས་གཉིས་ཀྱི་རིག་པ་ཟུང་འབྲེལ་དགོས་པའི་ཕན་འབྲས་བརྗོད་པ།