 |
|
|
སྒ་སྨུག
 མིང་གཞན། བཅའ་སྒ། अदरक Ginger 生姜
སྐྱེ་དབྱིབས། འདི་ནི་སྔོ་ལྡུམ་སྒ་ཡི་རིགས་ཤིག་ཡིན། རྩ་བ་རྡོག་པོ་ལ་ཡལ་ག་གྱེས་ཤིང་གཅིག་ལ་གཅིག་འབྲེལ་ཏེ་ས་འོག་ཏུ་འཕྲེད་དུ་བགྲད་དེ་ཡོད་པ། ཕྱི་ངོས་སེར་སྐྱ་གཉེར་རིས་དང་ཉག་མཚམས་ཡོད་ཅིང༌། ཁ་སྤུ་ལྟ་བུའི་རྩ་ཕྲན་ཐོགས་པ། ནང་ཤ་དཀར་སྐྱ་སྣུམ་གཤེར་ཅན་ལ་ཁོང་སྤུ་ཡོད་པ། ལོ་མ་ལྗང་མདོག་ལྕེ་ཡི་དབྱིབས་ཅན་ཕྲ་ལ་རིང་བ་དང༌། སྨད་ཆ་ངར་པས་བཏུམས་ནས་རེས་མོས་ཀྱིས་སྐྱེ་བ་ཞིག་ཡིན། ཚ་དྲོད་ཆེ་བའི་ཡུལ་དུ་འདེབས་འཛུགས་བྱེད་ཀྱི་ཡོད།
བེད་སྤྱོད། རྩ་བའི་ཁ་སྤུ་ལྟ་བུའི་རྩ་ཕྲན་བཀོག་ནས་གཙང་འཁྲུ་བྱས་ཏེ། སྐམ་རློན་གཉིས་ཀ་ཟས་སྤོད་དུ་བེད་སྤྱོད་བྱེད་ཆོག་པ་དང༌། ཇ་སྤོད་ཡང་བྱེད་རུང༌། ནུབ་ཕྱོགས་པས་བག་འཁུར་དང་ཁུ་ཐང་ནང་འདེབས་པ། བསྙལ་ཚལ་ཡང་བྱེད་ཀྱི་ཡོད།
རོ་དང་ངོ་བོ། རོ་ཚ། ངོ་བོ་དྲོད།
ཕན་ནུས། ཕོ་རླུང་སྟེ་ཕོ་བའི་སྦོ་འཁྲོག་དང་གཟེར་ཟུག་འཇོམས། བད་ཀན་བེ་སྣབས་དང་ལུད་པ་སེལ། ཁ་ཟས་འཇུ་བ་དང་མེ་དྲོད་སྐྱེད། འཁྲུ་སྐྱུགས་གཅོད། ཁྲག་གར་པོ་སླ་བར་གཏོང༌། ཟླ་མཚན་འགག་པ་འདྲེན། གློ་ལུ་བ་སེལ། རོ་ཙ་གསོ། རྔུལ་ནག་ཐོན་པ་བཅས་ལ་ཕན།
དོ་སྣང༌། ལུས་དྲོད་ཚ་བ་སློང༌། ཁ་སྐམ་པ་དང༌། བཤང་བ་འགག་པར་བྱེད།
|
|
སྨན་རྩིས་དྲ་བ། - སྒ་སྨུག
ནང་གསེས་དཀར་ཆག
ཡིག་ཆ་གསར་ཤོས།
སྨན་རྩིས་ལས་སྣེ་བ་གྲངས་ལྔ་ཡི་ས་མིག་གསལ་བསྒྲགས།
ད་ལོའི་ས་བདག་འཁྲུག་བཅོས་ཀྱི་ཆོ་ག་ལེགས་གྲུབ།
མཚན་སྲུང་གཅིག་གི་ས་མིག་གསལ་བསྒྲགས།
ལས་མི་གྲངས་ ༡༧ ས་མིག་གསལ་བསྒྲགས།
འབྲས་ནད་ཀྱི་ངོས་འཛིན་དང་བཅོས་ཐབས།
ཕྱི་རྒྱལ་དུ་བོད་སྨན་གྱི་གནས་བབ།
བུད་མེད་ཀྱི་འཕྲོད་བསྟེན་དང་བུ་ཚའི་སྐོར།
ཁྲག་གི་འབྲས་ནད་བཅོས་པའི་མྱོང་ཐིགས།
བོད་ཀྱི་གསོ་བ་རིག་པའི་ལོ་རྒྱུས།
བོད་ཀྱི་གསོ་དཔྱད་ཀྱི་ཐོག་མའི་འབྱུང་ཁུངས།