སྨན་རྩིས་དྲ་བ། - རྔ་དབྱུག་ཚལ།

རྔ་དབྱུག་ཚལ།

ཉུང་མ།

དོ་ལུམ་མ།

རྔ་དབྱུག་ཚལ།

མིང་གཞན། དྲུམ ཚལ། Drumstick 鼓槌

སྐྱེ་དབྱིབས། འདི་ནི་ཤིང་ཕྲན་གྱི་རིགས་ཤིག་སྟེ། སྡོང་པོ་ཕྲ་ལ་རིང་བ་འདྲོངས་ངེར་སྐྱེ་ཞིང༌། ཡལ་ག་གུག་ཅན་མང་པོ་ཡོད་པ། ལོ་མ་ཆུང་ལ་སྒོར་དབྱིབས་ཡིན་པ། མེ་ཏོག་ཆུང་ཞིང་དཀར་བ། འབྲས་བུ་རྔ་དབྱུག་ལྟར་ཕྲ་ལ་ཅུང་རིང་ཞིང་ཕྱི་ངོས་མི་སྙོམས་པར་སྒང་གཤོང་ཡོད་པ་གང་བུའི་ཚུལ་དུ་འབྱུང༌། རྒྱ་གར་དང་འབར་མ། པ་ཀི་སི་ཐན་ཡུལ་དུ་འདེབས་འཛུགས་བྱེད་ཀྱི་ཡོད།

བེད་སྤྱོད། འབྲས་བུ་གཙང་མ་བཀྲུས་ཏེ། རྐྱང་པ་སྣུམ་བརྔོ་བྱེད་པའམ། ཡང་ན་ཚལ་རིགས་གཞན་མཉམ་བརྔོ་གཡོ་བྱེད་ཆོག་ལ། ལོ་མ་དང་མེ་ཏོག་གཉིས་ཟས་སྤོད་དང་བག་འཁུར་ནང་བེད་སྤྱོད་བྱེད་རུང༌།

རོ་དང་ངོ་བོ། རོ་ཁ་བ། ངོ་བོ་བསིལ།

ཕན་ནུས། མཁྲིས་པའི་ཞེ་མེར་ལངས་པ་དང་མགོ་ཡུ་འཁོར་བ་སེལ། སྲིན་གསོད། ཟླ་མཚན་ན་བ་དང་རྩ་དཀར་ནད་བཅས་ལ་ཕན།

དོ་སྣང༌། བད་ཀན་གྲང་བའི་ནད་རིགས་ལ་གནོད།