སྨན་རྩིས་དྲ་བ། - དོ་ལུམ་མ།

དོ་ལུམ་མ།

པད་ཚལ།

མ་ཤ

དོ་ལུམ་མ།

མིང་གཞན།མོན་སྲན་ཟླུམ་པོ། बैंगन Eggplant 茄子

སྐྱེ་དབྱིབས། འདི་ནི་སྔོ་ལྡུམ་དོ་ལུམ་མའི་འབྲས་བུ་ཡིན་པར། གོང་གི་པར་གཡོན་པ་གོར་མོ་སྒོང་དབྱིབས་དང་པར་གཡས་པ་ནར་མོ་རིང་པོ་ཅན་རིགས་གཉིས་འབྱུང་གི་ཡོད་པར། སྤྱིར་སྡོང་རྐང་ཐུང་ངུ་མང་པོ་ས་ངོས་ནས་གྱེན་དུ་སྐྱེ་ཞིང༌། ཡལ་ཕྲན་གྱེས་ཏེ་ཚེར་མ་ཐར་ཐོར་འདོགས་པ། ལོ་མ་སྒོང་དབྱིབས་ཅན་ཅུང་ཆེ་ལ་ལྷེབ་པ། མེ་ཏོག་ཁེར་རྐྱང་མུ་མེན་ཤར་བ་ཞིག་ཡིན། ཚ་བའི་ཡུལ་དུ་འདེབས་འཛུགས་བྱེད་ཅིང་ཁྲོམ་རྭར་འབེལ་པོ་་ཡོད་པས་ཤེས་སླའོ༌།

བེད་སྤྱོད། འབྲས་བུ་གཙང་མ་བཀྲུས་ཏེ། བཙོ་བའམ་བསྲེག་པ། བརྔོ་གཡོ་བྱེད་ཆོག

རོ་དང་ངོ་བོ། རོ་མངར། ངོ་བོ་བསིལ།

ཕན་ནུས། ཁྲག་ཚད་སེལ། རྒྱུ་ལོང་ནང་རྨ་ཁྲག་དོན་པ་གཅོད་པར་བྱེད། ནུ་མའི་སེར་ཁ་གསོ། པགས་ནད་ཟ་རྐོང་སེལ། གཅིན་འགག་སེལ། ཁྲག་ཤེད་གཅོག་པ་བཅས་ལ་ཕན།

དོ་སྣང༌། ཡུན་རིང་བཤལ་བ་དང་འཇུ་སྟོབས་ཞན་པོའི་རིགས་ལ་གནོད།