སྨན་རྩིས་དྲ་བ། - ཉུང་མ།

ཉུང་མ།

པ་ལག

པད་ཚལ།

ཉུང་མ།

མིང་གཞན། शलजम Turnip 大頭菜蕪菁

སྐྱེ་དབྱིབས། འདི་ནི་ལ་ཕུག་གི་རིགས་ཤིག་ཡིན་ལ། རྩ་བ་རྐང་གཅིག་སྒོར་སྒོར་སྦོམ་ལ་རྒྱས་ཤིང་རྟིང་པ་རིམ་བཞིན་ཕྲ་བ། ཕྱིའི་ཁ་འཁོར་གྱི་མདོག་དམར་པོ་དང་ཞབས་འཁོར་དཀར་པོ་ཡིན་ཞིང་ནང་ཤ་དཀར་པོ་ཡོད་པ། ལོ་མ་ལབ་ལོ་ལས་ཁ་མདོག་ལྗང་ཤས་ཆེ་བ་དང་སྤུ་དཀར་རྩུབ་པོ་མི་འབྱུང༌། ཡུལ་གང་སར་འདེབས་འཛུགས་བྱེད་ཅིང༌། སྐྱེ་སའི་དབང་གིས་ཆེ་ཆུང་མི་འདྲ་བ་སྣ་ཚོགས་ཡོང་གི་ཡོད།

བེད་སྤྱོད། རྩ་བ་གཙང་མ་བཀྲུས་ཏེ། བཙོ་བའམ་བརྔོ་གཡོ་བྱེད་ཆོག་ལ། སོས་པ་རྗེན་པར་ཟ་རུང༌། ལོ་མ་ཡང་ཟས་སུ་བྱེད་སྲོལ་ཡོད།

རོ་དང་ངོ་བོ། རོ་ཚ་ལ་མངར་བ། ངོ་བོ་དྲོད།

ཕན་ནུས། དུག་གི་ནད་རིགས་འགོག་ཅིང་བསྡུ་གསོད་བྱེད། རླུང་ནད་དང་སྦོས་སྐྲངས་སེལ། བད་ཀན་ཚིལ་འཕེལ་འབྲི་བར་བྱེད་པ་བཅས་ལ་ཕན།

དོ་སྣང༌། མཁྲིས་པ་དང་བཤལ་ནད་རིགས་ལ་གནོད།