|
|
|
|
|
ག་གོན།
 མིང་གཞན། ཨ་གོན། ककड़ी Cucumber 黃瓜 སྐྱེ་དབྱིབས། འདི་ནི་ཀ་པེད་ཀྱི་རིགས་ཤིག་ཡིན། ཤིང་སྡོང་སོགས་དངོས་པོ་གཞན་ལ་འཁྲིལ་ནས་སྐྱེ་བ། འབྲས་བུ་ཆེ་ཆུང་ངེས་མེད་ཁ་མདོག་ལྗང་དཀར་དང་ལྗང་ནག་འདྲ་མིན་འདོགས་པ། ནང་ཤ་དཀར་པོ་ཆུ་ཅན་ལ་འབྲུ་གུ་ཡང་དཀར་པོ་ཕྲ་ལ་ཆུང་བ་ཡོད། གནམ་གཤིས་དྲོ་བའི་ཡུལ་གྱི་སྐམ་ས་དང་ཞིང་སར་འདེབས་འཛུགས་བྱེད་ཀྱི་ཡོད།
བེད་སྤྱོད། འབྲས་བུ་སོས་པ་གཙང་མ་བཀྲུས་ཏེ། རྗེན་པར་ཟ་བའམ་གྲང་ཚལ་བཟོ་བ། བཙོ་བའམ་བརྔོ་གཡོ་བྱེད་པ། བསྙལ་ཚལ་ཡང་བྱེད་ཆོག
རོ་དང་ངོ་བོ། རོ་མངར་ལ་བསྐ་བ། ངོ་བོ་བསིལ།
ཕན་ནུས། ཚ་བ་དང་ཁ་སྐོམ་པ་སེལ། ཆུ་འབེབ། ཚད་འཁྲུ་གཅོད། ཁྲག་ཤེད་མཐོ་བ་དམའ་བར་བྱེད། བད་ཀན་སྨུག་པོ་འཇོམས་པ་བཅས་ལ་ཕན་ཞིང༌། གཞན་ཡང་རྗེན་པ་གཤག་གཏུབ་བྱས་ཏེ་ངོ་གདོང་ལ་སྦྱར་བས་དུས་མ་ཡིན་པའི་གཉེར་མ་དང་སྲིན་ཐོར་སེལ་ལ། མེས་འཚིག་རྨ་དང་པགས་པ་འཇམ་པར་བྱེད་པ་བཅས་ལ་ཕན།
དོ་སྣང༌། མེ་དྲོད་ཞན་པོ་དང༌། མཁལ་གྲང་ནད། གྲང་བས་བཤལ་བ་བཅས་ལ་གནོད།
|
སྨན་རྩིས་དྲ་བ། - ག་གོན།
ནང་གསེས་དཀར་ཆག
ཡིག་ཆ་གསར་ཤོས།
དཔེ་མཛོད་དོ་དམ་པའི་ས་མིག་གསལ་བསྒྲགས།
དུས་འཁོར་འགྲེལ་ཆེན་དྲི་མེད་འོད་ཀྱི་རྒྱན་ལས་སེམས་ཀྱི་འཇིག་རྟེན་བཤད་པ།
གཞུང་འབྲེལ་མཆོད་འབུལ་སྨོན་ལམ་ཚོགས་པ།
བལ་ཡུལ་དུ་སྨན་རྩིས་ལས་སྣེ་ས་མིག
ཧོར་གྱི་མེ་བཙའི་འབྱུང་ཁུངས་ལ་དཔྱད་པ།
སྤྱི་ཁྱབ་འགན་འཛིན་གྱི་བོད་དྲུང་ས་མིག་གསལ་བསྒྲགས།
སྨན་རྩིས་ལས་སྣེ་བདུན་གྱི་ས་མིག་གསལ་བསྒྲགས།
མེ་རི་ཊིའི་གཙུག་ལག་སློབ་ཡོན་གྱི་ལས་གཞི་ལོ་བཅུ་འཁོར་བའི་མཛད་སྒོར་བཅར།
སྨན་རྩིས་གཉིས་ཀྱི་རིག་པ་ཟུང་འབྲེལ་དགོས་པའི་ཕན་འབྲས་བརྗོད་པ།