སྨན་རྩིས་དྲ་བ། - སྨན་སྦྱོར་ཐོན་དངོས།

	ཟླ་འོད་མཆིན་བཅུད་ཆེན་མོ། ༄༅།།བོད་ཀྱི་གསོ་རིག་སྔོ་ཁྲོག་ལས་སྦྱོར་བཟོ་བྱས་པའི་ཟླ་འོད་མཆིན་བཅུད་ཆེན་མོ་འདིས། མཆིན་ནད་གསོ་བ་དང་། ཕོ་ནད་གསོ་བ། ཁྲག་ནད་གསོ་བ། མིག་གསལ་བར་བྱེད་པ། དུག་དང་སྨུག་པོའི་ཚད་རྙིང་འཇོམས་པ། རྒྱུན་དུ་བསྟེན་ན་མཆིན་པའི་བཅུད་ལེན་ཆེན་མོ་དང་ དམིགས་བསལ་མཆིན་པའི་འབྲས་སྐྲན་ཤིན་ཏུ་ཕན། སྦྱོར་བ། ཅོང་མཛོ། ཁ་ཆེ་གུར་གུམ། བདུད་རྩི་བཅུད་རྒྱལ། འགྲོན་ཐལ། འབམ་སྤོས་དང་རེ་ལྕག་ཁཎྜ། རྩ་བརྒྱད་སྟོང་སྦྱར་སོགས་ལས་གྲུབ། བསྟེན་ཐབས། རིལ་བུ་རེཞལ་ལག་གི་ཆུ་ཚོད་ཕྱེད་ཀའི་སྔོན་རྗེས་གང་རུང་ལ་ཆབ་ཁོལ་གྱིས་མཆོད་རྒྱུའམ་ཡང་ན་སྨན་པའི་བཀའ་མངགས་ལྟར་ མཆོད་དགོས། ཉར་ཚགས། བསིལ་གྲིབ་དང་སྐམ་སར་འཇོག་དགོས།

	རྒུན་འབྲུམ་བདུན་པ། ༄༅། །བོད་ཀྱི་གསོ་རིག་སྔོ་ཁྲོག་ལས་སྦྱོར་བཟོ་བྱས་པའི་རྒུན་འབྲུམ་བདུན་པ་འདིས། གློ་བའི་ནད་རིགས་སྤྱི་དང་ཁྱད་པར་དུ་གློ་ཚད། དབུགས་མི་བདེ་བ། གློ་ལངས་པ། ལུད་པ་ལུ་བ། བྲང་བསྡམ་པ། སྐད་འཛེར་བ་སོགས་ལ་ཕན། སྦྱོར་བ། རྒུན་འབྲུམ། ཅུ་གང། གུར་གུམ། གླ་གང་། སེ་འབྲུ། ཤིང་ཚ། ཤིང་མངར་བཅས་ལས་གྲུ་པ་ཡིན། བསྟེན་ཐབས། ཉིན་རེར་རིལ་བུ་གསུམ་ཐུན་ཞལ་ལག་གི་ཆུ་ཚོད་ཕྱེད་ཀའི་སྔོན་རྗེས་གང་རུང་ལ་ཆབ་ཁོལ་དྲོད་འཇམ་གྱིས་བཞེས་པའམ་ཡང་ན་སྨན་པའི་ལམ་སྟོན་ལྟར་བཞེས་ཆོག ཉར་ཚགས། བསིལ་གྲིབ་དང་སྐམ་སར་འཇོག་དགོས།

	སླེ་ཏྲེས་ལྔ་ཐང་། ༄༅། །བོད་ཀྱི་གསོ་རིག་སྔོ་ཁྲོག་ལས་སྦྱོར་བཟོ་བྱས་པའི་སླེ་ཏྲེས་ལྔ་ཐང་འདིས། དྲེག་གྲུམ་ནད་རིགས་སྤྱིི་དང་། ལྷག་པར་ཁྲག་འཁྱགས་སྟེ་ཁྲག་ གར་པོ་ཆགས་པ། ཁྲག་ཤེད་ནད། ཁྲག་འབྲས། གཅིན་སྙི་ཟ་ཁུའི་ནད་རིགས་སོགས་ལའང་ཕན། སྦྱོར་བ། སླེ་ཏྲེས། ཨ་རུ། བ་རུ། སྐྱུ་རུ། རྒྱ་ཏིག་བཅས་ལས་གྲུབ་པ་ཡིན། དོ་སྣང་། གསོལ་སྨན་འདི་རང་བཞིན་ཅུང་བསིལ་བས་སྨན་པའི་ལམ་སྟོན་བཞིན་བསྟེན་དགོས། བསྟེན་ཐབས། ཉིན་རེར་ཕྱེ་མ་ཤོག་ཐུམ་ཆག་གཅིག་ཞལ་ལག་གྱི་ཚོུད་ཕྱེད་ཀའི་སྔོན་རྗེས་གང་རུང་དུ་ཆབ་ཁོལ་དྲོད་འཇམ་གྱི་བཞེས་པ་འམ་ཡང་ན་སྨན་པའི་ལམ་སྟོན་ལྟར་བཞེས་ཆོག ཉར་ཚགས། བསིལ་གྲིབ་དང་སྐམ་སར་འཇོག་དགོས།

	སྨན་གཅིག ༄༅།།བོད་ཀྱི་གསོ་རིག་སྔོ་ཁྲོག་ལས་སྦྱོར་བཟོ་བྱས་པའི་སྨན་གཅིག་འདིས། ཕོ་བའི་མེ་དྲོད་ཉམས་པ་དང། དང་ག་ཞན་པ། ཟུངས་ཁྲག་དམའ་བ། ཁྲག་ཤེད་དམའ་བ། བྱིས་པའི་འཚར་ལོངས་ཞན་པ་བཅས་ལ་ཕན། སྦྱོར་བ། སེ་འབྲུ། གུར་གུམ། པི་པི་ལིང་། སུག་སྨེལ། ཤིང་ཚ་བཅས་ལས་གྲུབ། བསྟེན་ཐབས། ཉིན་རེར་ཤོག་ཆག་གཅིག་ཞལ་ལག་གི་ཆུ་ཚོད་ཕྱེད་ཀའི་སྔོན་རྗེས་གང་རུང་ལ་ཆབ་ཁོལ་དྲོད་འཇམ་གྱིས་བཞེས་རྒྱུ། ཉར་ཚགས། བསིལ་གྲིབ་དང་སྐམ་སར་འཇོག་དགོས།

	སྨན་གཉིས། ༄༅།།བོད་ཀྱི་གསོ་རིག་སྔོ་ཁྲོག་ལས་སྦྱོར་བཟོ་བྱས་པའི་སྨན་གཉིས་འདིས། མ་ཞུ་བ་དང་། དྲི་མ་འགག་པ། གླང་ཐབས། སྐྱུག་པ། ཕོ་སྨུག་ བཅས་ལ་ཕན། སྦྱོར་བ། སྐྱུ་རུ་ར་དང་། སེ་འབྲུ། བ་ཤ་ཀ སུག་སྨེལ། པི་པི་ལིང་བཅས་ལས་གྲུབ། བསྟེན་ཐབས། ཉིན་རེར་ཤོག་ཆག་གཅིག་ཞལ་ལག་གི་ཆུ་ཚོད་ཕྱེད་ཀའི་སྔོན་རྗེས་གང་རུང་ལ་ཆབ་ཁོལ་དྲོད་འཇམ་གྱིས་བཞེས་རྒྱུ། ཉར་ཚགས། བསིལ་གྲིབ་དང་སྐམ་སར་འཇོག་དགོས།

	སྨན་གསུམ། ༄༅།།བོད་ཀྱི་གསོ་རིག་སྔོ་ཁྲོག་ལས་སྦྱོར་བཟོ་བྱས་པའི་སྨན་གསུམ་འདིས། བྲང་ཚ་ཆུ་སྐྱུར་དང་། ཁོག་པའི་ནང་གི་རྨ་རིགས། བྲང་བསྡམས་པ། དབུགས་མི་བདེ་བ། སྐད་འཛེར་བ། ལུད་པ་འགོག་དཀའ་བ། ངན་ཁྲག་རྒྱས་པ་བཅས་ལ་ཕན། སྦྱོར་བ། ཅོང་ཞི་དང་། ཨ་རུ་ར། སྤང་རྩི། རེ་སྐོན། བ་ཤ་ཀ། བྲག་ཞུན། སྦྲང་རྩི་སོགས་ལས་གྲུབ།བསྟེན་ཐབས། ཉིན་རེར་ཤོག་ཆག་གཅིག་ཞལ་ལག་གི་ཆུ་ཚོད་ཕྱེད་ཀའི་སྔོན་རྗེས་གང་རུང་ལ་ཆབ་ཁོལ་དྲོད་འཇམ་གྱིས་བཞེས་རྒྱུ། ཉར་ཚགས། བསིལ་གྲིབ་དང་སྐམ་སར་འཇོག་དགོས།

	ཨུག་ཆོས་ལྔ་པ། ཕན་ནུས། སྒྲ་བཅས་འོན་པ་སེལ་བའི་མན་ངག་ཡིན། བསྟེན་ཚུལ། ཐེངས་རེར་རྣ་ནང་ཐིག་པ་རེ་གཉེིས་གཏིགས། སྦྱོར་བ། ཨུག་ཆོས་དམར་པོའི་འབྲུ། ལ་ཕུག་སོགས་ལས་གྲུབ། ཉར་ཚགས། བསིལ་གྲིབ་དང་སྐམ་སར་འཇོག་དགོས།

	༡༠༽ ཟངས་ཐལ་ཉེར་ལྔ། ༄༅། །བོད་ཀྱི་གསོ་རིག་སྔོ་ཁྲོག་ལས་སྦྱོར་བཟོ་བྱས་པའི་ཟངས་ཐལ་ཉེར་ལྔ་འདིས། གློ་ནད་སྤྱི་དང་ཁྱད་པར་དུ་གློ་གཅོང་། གློ་བའི་གཉན་ཚད། གློ་བ་ཆུ་བསགས་སོགས་ལ་ཕན། བསྟེན་ཐབས། རིལ་བུ་རེ་ཞལ་ལག་གྱི་ཚོུད་ཕྱེད་ཀའི་སྔོན་རྗེས་གང་རུང་ལ་ཆབ་ཁོལ་ལམ་བ་ཡི་འོ་མ་དྲོན་མོས་མཆོད་རྒྱུ་ཡང་ན་སྨན་པའི་ལམ་སྟོན་ལྟར་བཞེས་དགོས། གསོལ་སྨན་འདི་སྨན་གཞན་བར་ཉུང་མཐར་ཚོུད་གཅིག་བར་མཚམས་བཞག་དགོས། ཉར་ཚགས། བསིལ་གྲིབ་དང་སྐམ་སར་འཇོག་དགོས།

	ཞི་བྱེད་དྲུག་པ། ༄༅། །བོད་ཀྱི་གསོ་རིག་སྔོ་ཁྲོག་ལས་སྦྱོར་བཟོ་བྱས་པའི་ཞི་བྱེད་དྲུག་པའི་སྦྱོར་བ་འདིས། མ་ཞུ་ཕོ་སྦོས་གླང་ཐབས་དང་། ཐུར་སེལ་རྒྱུ་བ་ལོག་པ་དང་། བུ་དང་ཤ་མ་མ་ཐོན་དང་། བཤང་འགགས་སོགས་ལ་ཤིན་ཏུ་ཕན། སྦྱོར་བ། མ་ནུ། སྒ་སྐྱ། ཅོང་ཞི། བུལ་ཏོག ལྕུམ་རྩ། ཨ་རུ་སོགས་ལས་གྲུབ་པ་ཡིན། དོ་སྣང་། བུད་མེད་སྦྲུམ་མ་རྣམས་ནས་ངེས་པར་དུ་སྨན་པའི་ལམ་སྟོན་བཞིན་བསྟེན་དགོས། བསྟེན་ཐབས། ཉིན་ལྟར་རིལ་བུ་གསུམ་ཐུན་ཞལ་ལག་གི་ཆུ་ཚོད་ཕྱེད་ཀའི་སྔོན་རྗེས་གང་རུང་ལ་ཆབ་ཁོལ་དྲོད་འཇམ་གྱི་བཞེད་པའམ་ཡང་ན་སྨན་པའི་ལམ་སྟོན་ལྟར་བཞེད་དགོས། ཉར་ཚགས། བསིལ་གྲིབ་དང་སྐམ་སར་འཇོག་དགོས།

	སོ་སྣུམ་བདུན་པ། ཕན་ནུས། སོ་ཡི་ཟུག་གཟེར་དང་སོ་སྲིན་སོ་རླུང་ལ་སོགས་འཇོམས། བསྟེན་ཚུལ། ཐེངས་རེར་སོ་སྐྱོན་ཅན་སྟེང་ཐིག་པ་རེ་གཉིས་གཏིགས། སྦྱོར་བ། ལི་ཤི བྱི་ཏང་ག ཕོ་བ་རི་སོགས་ལས་གྲུབ། ཉར་ཚགས། བསིལ་གྲིབ་དང་སྐམ་སར་འཇོག་དགོས།