རྡ་རམ་ས་ལའི་དབུས་བོད་ཀྱི་སྨན་རྩིས་ཁང་གི་ངེས་སྟོན་པ་མཆོག་དང་འགན་འཛིན་རྣམ་པ། སྨན་པ་དང་རྩིས་པ། དེ་བཞིན་ས་གནས་སྨན་ཁང་ཁག་གི་འགན་འཛིན་ལ་སོགས་པ། དེ་རིང་འདིར་ཚོགས་ཁང་ནང་ལ་ཕེབས་པ་ཚང་མར། དང་ཐོག་དེར་བཙན་བྱོལ་བོད་གཞུང་བཀའ་ཤག་ངོས་ནས། ང་རང་སྒེར་གྱི་ངོས་ནས་འཚམ་འདྲི་དང་བཀྲིས་བདེ་ལེགས་ཞུ་རྒྱུ་ཡིན།

ཕྱི་ལོ་༢༠༠༤ ཟླ་བ་ ༡ ཚེས་ ༥ ཉིན་བཙན་བྱོལ་བོད་མིའི་བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ཚོགས་དབུ་འཛུགས་ཞུས་པའི་མཛད་སྒོའི་ཐོག་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་བློ་བཟང་བསྟན་འཛིན་མཆོག་གིས་བོད་ཀྱི་གསོ་བ་རིག་པའི་ད་ལྟའི་གནས་བབ། ཐུན་མོང་མ་ཡིན་པའི་ཁྱད་ཆོས། གསོ་བ་རིག་པའི་འབྱུང་ཁུངས། སྨན་ལྷན་གྱི་གལ་གནད། གསོ་བ་རིག་པ་རྒྱུན་འཛིན་བྱེད་ཕྱོགས་སོགས་ཀྱི་སྐོར་གནང་བའི་གསུང་བཤད།