༢༠༡༩ ཟླ་ ༥ ཚེས་ ༡༠ ཉིན་རྒྱབ་སྨན་རྩིས་མཐོ་སློབ་ཚོགས་ཁང་དུ་ཝཱཎ་དབུས་བོད་ཀྱི་ཆེས་མཐོའི་གཙུག་ལག་སློབ་ཁང་གི་སྨན་རྩིས་རིག་སྡེའི་འགན་འཛིན་རག་རྡོ་བློ་བཟང་བསྟན་འཛིན་ལགས་ཀྱིས་དུས་འཁོར་གྱི་གཞུང་ནས་གསུངས་པའི་མངལ་དུ་བྱིས་པའི་ལུས་ཕུང་གྲུབ་སྟངས་དང་། དེང་དུས་ཚན་རིག་གི་བྱིས་པ་མངལ་དུ་ཆགས་རིམ་དབར་མི་འདྲ་བའི་ཁྱད་པར་སྐོར་གནང་བའི་གསུང་བཤད།

ཕྱི་ལོ་ ༢༠༡༨ ཟླ་ ༢ ཚེས་ ༥ ཉིན་ཝྰཎ་དབུས་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་དུ། རྒྱལ་སྤྱིའི་བོད་ཀྱི་གསོ་བ་རིག་པའི་བགྲོ་གླེང་ཚོགས་ཆེན་ཐེངས་གསུམ་པའི་སྐབས། བྱ་དོ་རིན་པོ་ཆེ་མཆོག་གིས་གསང་སྔགས་སྔ་འགྱུར་གྱི་གཞུང་ལས་བྱུང་བའི་བདུད་རྩི་སྨན་སྒྲུབ་ཆེན་མོའི་ཁུངས་དང་ཕྱག་ལེན་དང་ཕན་ཡོན་བཅས་ཀྱི་སྐོར་གནང་བའི་གསུང་བཤད།

ཕྱི་ལོ་ ༢༠༡༧ ཟླ་༨ ཚེས་ ༢༨ ཉིན་སྨན་རྩིས་མཐོ་སློབ་ཚོགས་ཁང་དུ་སྨན་རྩིས་དགེ་སློབ་དང་། སྨན་རྩིས་པ། དེ་བཞིན་ཐུགས་དམ་ཉམས་ཞིབ་པ་བཅས་ཚང་འཛོམས་སར་ཐུགས་དམ་ཉམས་ཞིབ་ཚན་པས་ཇི་ལྟར་གསོལ་འདེབས་བཞིན་སྐྱབས་རྗེ་མཁས་དབང་སློབ་དཔོན་ཟམ་གདོང་རིན་པོ་ཆེ་མཆོག་གིས་《སངས་རྒྱས་པའི་གཞུང་ནས་གསུངས་པའི་འཆི་རིམ་དང་ཁྱད་པར་ཐུགས་དམ་གྱི་སྐོར་》ཞེས་པའི་བརྗོད་གཞི་ཐོག་བཀའ་སློབ་བསྩལ། 

སྨན་རམས་པ་རྡོ་རྗེ་དགྲ་འདུལ་ལགས་ཀྱིས་《བོད་ཀྱི་གསོ་བ་རིག་པའི་ཐུན་མོང་མིན་པའི་བརྡ་དང་ཐ་སྙད་ཀྱི་ངོ་བོ་དང་བྱུང་རབས་སྐོར་》ལ་གཏམ་བཤད་གནང་བ་དེ་ཡིན།

འདི་ནི་ཝྰ་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་གསོ་རིག་སློབ་དཔོན་ཆེན་མོ་རག་རྡོ་བློ་བཟང་བསྟན་འཛིན་མཆོག་གིས་འདི་ལོའི་ཟླ་8 ཕྱི་ཚེས་5 ཉིན་རྒྱབ། དྷ་ས་བོད་ཀྱི་སྨན་རྩིས་ཁང་གི་ལྷན་ཚོགས་ཁང་དུ་འདི་གའི་སྨན་པ་ཁག་ཅིག་ལ་དབྱུག་བཅོས་སྐོར་གྱི་གཞུང་བཤད་དང་ལག་ཁྲིད་བཀའ་དྲིན་བསྐྱངས་གནང་ཡོད། དེའི་སྐབས་སྔོན་འགྲོའི་ཚུལ་དུ་བོད་ཀྱི་གསོ་བ་རིག་པའི་ངོ་སྤྲོད་ཀྱི་གསུང་བཤད་རྒྱས་པ་ཞིག་གནང་ཡོད་པ་དེ་ཡིན།

ཕྱི་ལོ་༢༠༡༤ ཟླ་༣ ཚེས་༣༡ ཉིན་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་བོད་ཀྱི་གསོ་བ་རིག་པའི་ཆེས་མཐོའི་སྨན་པའི་ལྷན་ཚོགས་ཀྱིས་ཇི་ལྟར་གསོལ་འདེབས་ཞུས་པ་ལྟར། ྋསྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་གིས་ཐོག་མར་སྔོན་འགྲོ་ནང་ཆོས་ངོ་སྤྲོད་དང་། དངོས་གཞི་སངས་རྒྱས་སྨན་བླའི་རྗེས་གནང་དང་སྦྲགས། མགོན་པོ་གང་ཉིད་ཀྱིས་མཛད་པའི་སྨན་བླ་མཆེད་བརྒྱད་ཀྱི་གསོལ་འདེབས་སོགས་ཀྱི་བཀའ་ལུང་བཀྲིན་བསྐྱངས་སྐབས་བསྩལ་བའི་བཀའ་སློབ་ཚན་པ་གཉིས་བཞུགས་ཡོད།

བོད་ཀྱི་གསོ་བ་རིག་པའི་སྨན་པའི་ལྷན་ཚོགས་ནས་ཕྱི་ལོ་༢༠༡༢ ཟླ་༣ ནང་དྷ་རམ་ས་ལར་གསོ་རིག་སྨན་པའི་ཤེས་ཡོན་གོང་སྤེལ་ཆེད་ཟབ་སྦྱོང་ཐེངས་གསུམ་པ་གོ་སྒྲིག་ཞུས་སྐབས། སྨན་རམས་པ་རྡོ་རྗེ་དགྲ་འདུལ་ལགས་ནས་རྒྱ་གར་ཚེའི་རིག་བྱེད་དང་བོད་ལུགས་གསོ་བ་རིག་པ་གཉིས་ཀྱི་གཞི་རྩའི་ཁྱད་པར་ཐོག་གསུང་བཤད་གནང་ཡོད་པའི་དུམ་ཚན་ཞིག་ཡིན།

ཕྱི་ལོ་༢༠༡༤ ཟླ་༡༡ ཚེས་༡༤ ཉིན་བོད་ཀྱི་སྨན་རྩིས་ཁང་གི་མཐོ་སློབ་ཚོགས་ཁང་དུ་བོད་ཀྱི་སྨན་རྩིས་ཁང་གི་ཉམས་ཞིབ་སྡེ་ཚན་དང་བོད་མིའི་སྒྲིག་འཛུགས་འཕྲོད་བསྟེན་ལྷན་ཁང་གིས་གོ་སྒྲིག་ཞུས་པའི་"འཛམ་གླིང་གཅིན་སྙི་ཟ་ཁུའི་ཉིན་མོ་"སྲུང་བརྩི་ཞུ་སྐབས་གཅིན་སྙི་ཟ་ཁུའི་ཐོག་བོད་ཀྱི་གསོ་བ་རིག་པའི་ལུགས་ཀྱི་བཞེད་ཚུལ་སྐོར་སྨན་དགེ་སྨན་རམས་པ་མཁྱེན་རབ་རྒྱ་མཚོས་གསུང་བཤད་གནང་ཡོད་པ་དེ་ཡིན།

ཕྱི་ལོ་༢༠༡༤ ཟླ་༡༠ ཚེས་༡༧ ཉིན་སྨན་རམས་པ་པདྨ་རྡོ་རྗེ་ལགས་ཀྱིས་དྷ་ས་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་དགེ་སློབ་སྨན་པ་བཅས་ལྷན་འཛོམས་ཐོག་བོད་ཀྱི་གསོ་རིག་ལུགས་སུ་ཁོང་ནད་ཀུན་གྱི་རྩ་བ་མ་ཞུ་བའི་སྐོར་ལ་གནང་བའི་གསུང་བཤད་ཚན་པ་ཞིག་ཡིན།

ཕྱི་ལོ་༢༠༡༤ ཟླ་༩ ཚེས་ ༡༩ ཉིན་བོད་ཀྱི་སྨན་རྩིས་མཐོ་སློབ་ཚོགས་ཁང་དུ་སྨན་རམས་པ་རྣམ་རྒྱལ་ཁྱུ་གསར་ལགས་ཀྱིས་སྨན་རྩིས་སློབ་མ་རྣམས་ལ་ལུས་ཆགས་ཚུལ་ཐོག་ལ་བོད་ལུགས་གསོ་རིག་དང་དེང་རབས་སྨན་ལུགས་ཟུང་འབྲེལ་སྒོ་ནས་གསུང་བཤད་བྱས་པའི་དུམ་ཚན་ཞིག་ཡིན།