"སྤྱི་ཚོགས་འཕོ་འགྱུར་ལ་གཞིགས་པའི་བོད་ཀྱི་གསོ་བ་རིག་པའི་འབྱུང་ཁུངས་རྩ་བ་སྔོན་བྱོན་མཁས་དབང་རིམ་པ་གང་ལ་ཐུག་ཡོད་མིན་སྙིང་པོར་དྲངས་པའི་དཔྱད་བརྗོད་ཐུང་ངུ་ཞིག་དོན་གཉེར་ཅན་རྣམས་ལ་མཁོ་ངེས་སུ་སྣང་བས། རྩོམ་པ་པོར་བསྔགས་བརྗོད་དང་བཅས་དཔྱད་རྩོམ་མིག་དཔེར་འོས་པ་ཞིག་འདུག་ན་དེ་དོན་ཡིད་གཏད་དུ་གྱུར།།" -བླ་སྨན་བསྟན་འཛིན་ཆོས་གྲགས། ཕྱི་ལོ་༢༠༠༠ ཟླ༡༠ ཚེས་༣ ཉིན།

བླ་མེད་ཡོན་ཏན་རྒྱ་མཚོ་ཡི། །བླ་མེད་བླ་མའི་མཆོག་གྱུར་པའི། །བླ་ན་མེད་པའི་བླ་མ་ལ། །བླ་ན་མེད་པའི་གུས་ཕྱག་འཚལ། །བླ་མའི་ཞལ་ལས་རྙེད་པ་ཡི། །རྡོ་རྗེ་དབྱུག་པའི་མན་ངག་ལ། །སྡོམ་ནི་རྒྱུ་དང་མི་བརྡེག་གནས། །བརྡེག་པའི་གནས་དང་ལོག་གནོན་ནོ། །

༄༅། །རྒྱ་གར་སྐད་དུ། བཛྲ་དཎྜི་ཨུཔདེཤ་སརྦ་རོག་གྲཧ་མཐཁཾ་ལོཧ་སབྦིབྔཎ་ནྰམ། ༄༅། །བོད་སྐད་དུ། རྡོ་རྗེ་དབྱུག་པའི་མན་ངག་ནད་གདོན་ཀུན་འཇོམས་གནམ་ལྕགས་ཐོག་མདའ་ཞེས་བྱ་བ། བླ་མ་དང་ཡེ་ཤེས་ཀྱི་མཁའ་འགྲོ་མ་ལ་ཕྱག་འཚལ་ལོ། །སྐྱེ་མེད་ཆོས་སྐུ་མངོན་གྱུར་བླ་མ་རྗེ། །འགགས་མེད་ལོངས་སྐུར་སྣང་སྟོང་ཡི་དམ་ལྷ། །གང་འདུལ་སྤྲུལ་སྟོན་ཌཀྐི་སྲུང་མར་བཅས། །དད་པའི་ཡུལ་དེར་ཕྱག་འཚལ་བརྩེར་དགོངས་གཟིགས། །