རྡོ་སྨན་གྱི་ནུས་པ་བསྟན་པ་ལ་ནི། །བཞུ་བཏུབ་ཁམས་དང་མི་བཞུ་ཁམས་གཉིས་ལས། །རྡོ་བཞུའི་ཁམས་ཀྱི་ནུས་པ་བསྟན་པ་ནི། །ཁབ་ལེན་མདེའུ་འབྱིན་ཀླད་རུས་རྩ་ནད་སེལ། །གསེར་རྡོ་དངུལ་རྡོས་ཆུ་སེར་འདྲེན་པར་བྱེད། །ལྕགས་ཀྱི་རྡོ་བས་ཚེ་འཕེལ་བཅུད་ལེན་བྱེད།།

ས་ཡི་སྨན་གྱི་ནུས་པ་བསྟན་པ་ལ། །རང་བྱུང་བ་དང་བཅོས་མ་རྣམ་པ་གཉིས། །རང་བྱུང་ས་ཡི་ནུས་པ་བསྟན་པ་ནི། །གསེར་གྱི་བྱེ་མས་མཁལ་ནད་ཆུ་འགགས་སེལ། །སིན་ནྡྷུ་ར་ཡིས་རྩ་ཚད་དོན་རྨ་གསོ། །རྣག་ཁྲག་སྐེམ་ཞིང་མེས་ཚིག་རྨ་ལ་ཕན།།

ཤིང་སྨན་གྱི་ནུས་པ་བསྟན་པ་ལ་ནི། །འབྲས་བུ་མེ་ཏོག་ལོ་མ་སྡོང་པོ་དང༌། །ཡལ་ག་པགས་པ་ཚི་བ་རྩ་བ་བརྒྱད། །དང་པོ། འབྲས་བུའི་སྨན་གྱི་ནུས་པ་བསྟན་པ། འབྲས་བུའི་སྨན་གྱི་ནུས་པ་བསྟན་པ་ནི། །ཨ་རུ་ར་སྤྱིར་ནད་རྣམས་ཀུན་ལ་མཆོག།

དྲུག་པ་ལྡུམ་བུ་ཐང་སྨན་བཤད་པ་ལ།  །རྩ་བ་ལོ་མ་མེ་ཏོག་འབྲས་བུ་བཅས། །ཁྱོན་གཅིག་བསྡོམས་ནས་རིམ་པས་བཤད་པ་ནི། །ཏིག་ཏས་མཁྲིས་པའི་ཚ་བ་མ་ལུས་སེལ། །སུམ་ཅུ་ཏིག་གིས་མཆིན་མཁྲིས་ཚ་བ་སེལ། །གསེར་ཏིག་བད་མཁྲིས་རིམས་ཚད་སེལ་བར་བྱེད།།

བདུན་པ་སྔོ་ཡི་སྡེ་ཚན་བཤད་པ་ལ། །རྩ་ལོ་མེ་འབྲས་བཞི་དང་ཡོངས་རྫོགས་ལྔར། །བཏུ་འོས་རིམ་པས་བཤད་ལ་རྩ་བ་ནི། །དང་པོ།  རྩ་བ་བརྐོ་བར་འོས་པའི་སྡེ་ཚན་བསྟན་པ། བརྐོ་བར་འོས་པའི་སྡེ་ཚན་བསྟན་པ་ནི། །ཧོང་ལེན་ཁྲག་སྐེམ་འཁྲུགས་ཚད་དོན་ཚད་སེལ།།

བཅུ་གཉིས་མེ་སྨན་སྡེ་ཚན་བསྟན་པ་ལ།  །དངོས་དང་བྱས་པའི་སྨན་ནུས་གཉིས་ཡིན་ཏེ། །དང་པོ་ཏེལ་གྱི་མེ་ལ་བཅུ་གཅིག་སྟེ། །གསེར་གྱི་ཏེལ་མེས་ཉེས་སྐྱོན་མི་འབྱུང་ཞིང༌། །རྩ་ལ་སོགས་པ་རྣམས་ཀྱང་མཐུད་པ་དང༌། །གདོན་དང་བགེགས་ཀྱི་གནོད་པ་ཞི་བར་བྱེད། །མིག་སོགས་དབང་པོ་སྲུང་བའི་དཔྱད་ལ་བསྔགས། །དངུལ་གྱི་ཏེལ་མེ་གསེར་དང་ཕྱོགས་མཚུངས་ཤིང༌།།

བཅུ་གསུམ་གདུས་པའི་སྨན་གྱི་ནུས་པ་ལ། །ཚ་བ་མེས་གདུས་བསིལ་བ་ཆུས་གདུས་གཉིས། །དང་པོ་གསེར་ཐལ་རིན་ཆེན་དབྱིག་དུག་སེལ། །དངུལ་ཐལ་ཤ་རོ་གཅོད་ཅིང་ཆུ་སེར་སྐེམ། །ཟངས་ཐལ་རྣག་དང་ཆུ་སེར་སྐེམ་པའི་མཆོག །ལྕགས་ཐལ་མཆིན་པའི་དུག་སེལ་དམུ་རྫིང་སྐེམ། །གསེར་དངུལ་ཟངས་ལྕགས་ཐལ་བས་མཛེ་ནད་དང༌། །དུག་འཇོམས་བྱང་ཁོག་རྣག་ཁྲག་ཆུ་སེར་སྐེམ།།